రణబీర్ కపూర్ ఈ నెలలో విడుదల కానున్న తన కొత్త చిత్రం షంషేరా విడుదలతో బిజీగా ఉన్నాడు. సినిమా ప్రమోషన్స్లో బిజీగా ఉన్న ఆయన ఇంటర్వ్యూలు ఇస్తూ, ప్రమోషన్స్ చేస్తూ, ఆకట్టుకుంటున్నారు. ఒక ఇంటర్వ్యూలో, మీరు ఏ హీరో పాత్రతో ఆకట్టుకున్నారు అని అడిగినప్పుడు, రణబీర్ పెద్దగా ఆలోచించకుండా, అల్లు అర్జున్ పుష్పరాజ్ పాత్రలో అంటూ చెప్పుకొచ్చారు.
అంతేకాక పుష్పరాజ్ పాత్రను తిరిగి పోషించడానికి ఇష్టపడతానని చెప్పాడు. అల్లు అర్జున్ పోషించిన విధానం తనకు చాలా నచ్చిందని, ఈ సినిమా సీక్వెల్ని చూడాలని ఆసక్తిగా ఉన్నానని రణబీర్ చెప్పాడు. పుష్ప 2 ఇంకా సెట్స్ మీదకు వెళ్లలేదు మరియు ఈ చిత్రం తో అల్లు అర్జున్ కి వచ్చిన క్రేజ్ ఇంకా కొనసాగుతోంది. ఇది ఖచ్చితంగా హిందీలో కూడా పెద్ద విజయం సాధించే అవకాశం ఉంది.