గాడ్ ఆఫ్ మాసెస్ నందమూరి బాలకృష్ణ నటించిన లేటెస్ట్ మూవీ ‘డాకు మహారాజ్’ బాక్సాఫీస్ దగ్గర సూపర్ హిట్గా నిలిచింది. ఈ సినిమాను దర్శకుడు బాబీ డైరెక్ట్ చేశారు. ఇక ఈ సినిమా సక్సెస్ను ఎంజాయ్ చేస్తున్న బాలయ్య, త్వరలోనే ‘అఖండ 2’ చిత్ర షూటింగ్లో జాయిన్ అవుతాడు. ఇప్పటికే ‘మహా కుంభమేళ’లో షూటింగ్ జరుపుకున్న ‘అఖండ 2’ను మాస్ చిత్రాల స్పెషలిస్ట్ బోయపాటి శ్రీను డైరెక్ట్ చేస్తున్నారు.
ఈ సినిమాను ఆయన అత్యంత ప్రతిష్టాత్మకంగా చిత్రీకరిస్తున్నారు. కాగా, ఇప్పుడు ఈ మూవీ నెక్స్ట్ షెడ్యూల్ కోసం బోయపాటి లొకేషన్ల వేటలో పడ్డారు. ఆయన తాజాగా ఏపీలోని నందిగామ పరిసర ప్రాంతాల్లో బోయపాటి పర్యటించారు. చందర్లపాడు మండలం గుడిమెట్లలో బోయపాటి శ్రీను కృష్ణానదిపై పడవలో ప్రయాణించి షూటింగ్కు అనువైన ప్రదేశాలను పరిశీలించారు.
ఇక ఈ షెడ్యూల్ను త్వరలోనే ప్రారంభించేందుకు బోయపాటి ప్లాన్ చేస్తున్నారు. ఈ సినిమాతో బాలయ్య మరోసారి తన నటవిశ్వరూపం చూపించడం ఖాయమని అభిమానులు ధీమా వ్యక్తం చేస్తున్నారు. ఈ సినిమాలో ప్రగ్యా జైస్వాల్ హీరోయిన్గా నటిస్తుండగా థమన్ ఈ చిత్రానికి సంగీతం అందిస్తున్నారు.