తెలుగు చిత్ర పరిశ్రమకు, తెలుగు సినీ అభిమానులకు ప్రత్యేకంగా పరిచయం చేయాల్సిన అవసరం లేని పేర్లలో కామెడీ కింగ్ బ్రహ్మానందం ఒకరు. ఈయన ప్రతి సినిమాలో కాసేపు కనపడినా ప్రేక్షకులు విపరీతంగా నవ్వుకుంటారు. అలాంటిది ఒక సినిమాలో తనే హీరో అయితే ఏ రేంజ్ లో కామెడీ ఉంటుందనేది మనం ఊహించుకోవచ్చు. అలా బ్రహ్మానందం హీరోగా చేస్తున్న ఓ సినిమాకి ‘మూడడుగుల బుల్లెట్’ అనే టైటిల్ ని ఖరారు చేసారు.
పవర్ స్టార్ పవన్ కళ్యాణ్ ‘అత్తారింటికి దారేది’ సినిమాలో బాగా ఫేమస్ అయిన పాత లిరిక్ ‘ఆరడుగుల బుల్లెట్’ ఈ పేరుని బ్రహ్మానందంకి తగ్గట్టుగా మార్చి ‘మూడడుగుల బుల్లెట్’ అని టైటిల్ పెట్టారు. సైలెంట్ గా చిత్రీకరణ జరుపుకుంటున్న ఈ సినిమా ద్వారా ఓ రచయిత దర్శకుడిగా పరిచయం కానున్నాడు. ఈ సినిమా ఆధ్యంతం కామెడీగా ఉంటుందని సమాచారం.
