గ్లోబల్ స్టార్ రామ్ చరణ్ ప్రస్తుతం ‘ఉప్పెన’ ఫేం డైరెక్టర్ బుచ్చిబాబు సానా డైరెక్షన్‌లో RC16 సినిమాలో నటిస్తున్నాడు. ఈ సినిమా షూటింగ్ ప్రస్తుతం శరవేగంగా జరుగుతుంది. ఇక ఈ సినిమాను దర్శకుడు అత్యంత ప్రెస్టీజియస్‌గా ఓ సాలిడ్ కథతో రూపొందిస్తున్నాడు. ఈ సినిమాలో రామ్ చరణ్ పాత్ర అల్టిమేట్‌గా ఉండనుందని చిత్ర యూనిట్ చెబుతోంది. అయితే, ఈ సినిమాకు సంబంధించి ఓ అంశంలో తన గురువు అయిన స్టార్ డైరెక్టర్ సుకుమార్ బాటలోనే బుచ్చిబాబు కూడా వెళ్లనున్నట్లు తెలుస్తోంది.
సుకుమార్ డైరెక్షన్‌లో రామ్ చరణ్ నటించిన ‘రంగస్థలం’ సినిమా ఎలాంటి సెన్సేషన్ క్రియేట్ చేసిందో అందరికీ తెలిసిందే. ఆ సినిమా కథ మొత్తం ఒక ఎత్తు అయితే, క్లైమాక్స్ నెక్స్ట్ లెవెల్. ఆ సినిమాకు ఆయువుపట్టుగా నిలిచింది క్లైమాక్స్ అని చాలా మంది అభిప్రాయపడ్డారు. అందుకే ఆ సినిమాకు రిపీటెడ్ ఆడియన్స్ వచ్చారు. ఇప్పుడు RC16 కోసం బుచ్చిబాబు కూడా ఇదే స్ట్రాటెజీ ఫాలో కానున్నాడట.
ఈ సినిమా కథ స్పోర్ట్స్ బ్యాక్‌డ్రాప్‌లో తెరకెక్కిస్తున్నారు. అయితే, దీనికి క్లైమాక్స్‌ని మాత్రం ఎవరూ ఊహించని విధంగా రాసుకున్నాడట ఈ డైరెక్టర్. ఈ సినిమా క్లైమాక్స్ చాలా ఏళ్లు గుర్తుండిపోతుందని చిత్ర యూనిట్ చెబుతోంది. మరి నిజంగానే బుచ్చిబాబు RC16 కోసం సెన్సేషనల్ క్లైమాక్స్‌ని రెడీ చేశాడా..? అనేది వేచి చూడాలి. ఈ సినిమాలో అందాల భామ జాన్వీ కపూర్ హీరోయిన్‌గా నటిస్తుండగా, ఏఆర్ రెహమాన్ సంగీతం అందిస్తున్నాడు. మైత్రీ మూవీ మేకర్స్ బ్యానర్ ఈ చిత్రాన్ని భారీ బడ్జెట్‌తో ప్రొడ్యూస్ చేస్తున్నారు.