రెబల్ స్టార్ ప్రభాస్ (Prabhas) ప్రధాన పాత్రలో, టాలెంటెడ్ డైరెక్టర్ నాగ్ అశ్విన్ దర్శకత్వంలో తెరకెక్కుతున్న మైథాలజీ సైన్స్ ఫిక్షన్ మూవీ కల్కి 2898 ఏ.డి (Kalki 2898AD). దీపికా పదుకునే, దిశా పటాని లు కథానాయికలుగా నటిస్తున్న ఈ చిత్రంలో యూనివర్సల్ స్టార్ కమల్ హాసన్, బాలీవుడ్ మెగాస్టార్ అమితాబ్ బచ్చన్ లు కీలక పాత్రల్లో కనిపించనున్నారు. ఈ చిత్రంలో బుజ్జి రోల్ చాలా కీలకం అని మేకర్స్ ఇప్పటికే ప్రకటించారు. తాజాగా బుజ్జి ఇంట్రడక్షన్ వీడియో ను రిలీజ్ చేశారు.
వీడియో లో బుజ్జి రోల్ సినిమాకి ఎంత కీలకం అనేది తెలుస్తుంది. కీర్తి సురేష్ వాయిస్ తో ఉన్న వీడియో అందరినీ ఆకట్టుకుంటుంది. ప్రభాస్ బుజ్జితో మాట్లాడే మాటలు అలరిస్తున్నాయి. యాక్షన్ ఎలిమెంట్స్ చూస్తుంటే, ఫ్యాన్స్ కి ఈ చిత్రం ఫుల్ ట్రీట్ లా అనిపిస్తుంది. ఒక్క చిన్న వీడియోలోనే మేకర్స్ ఈ రేంజ్ విజువల్స్ ను చూపించారు అంటే, ఫుల్ మూవీ ఇక ఎలా ఉండబోతుంది అనే దానిపై అందరిలో ఆసక్తి నెలకొంది. వైజయంతీ మూవీస్ బ్యానర్‌పై అశ్వినీ దత్ నిర్మిస్తున్న ఈ చిత్రానికి సంతోష్ నారాయణన్ సంగీతం అందిస్తున్నారు. జూన్ 27, 2024 న వరల్డ్ వైడ్ గా థియేటర్ల లోకి రానున్న ఈ చిత్రం పై భారీ అంచనాలు నెలకొన్నాయి.
