ఈ సంక్రాంతి పండుగకు టాలీవుడ్ బాక్సాఫీస్ దగ్గర ఏకంగా మూడు భారీ చిత్రాలు రిలీజ్ అయ్యాయి. గ్లోబల్ స్టార్ రామ్ చరణ్ ‘గేమ్ ఛేంజర్’, నందమూరి బాలకృష్ణ ‘డాకు మహారాజ్’, విక్టరీ వెంకటేష్ ‘సంక్రాంతికి వస్తున్నాం’ బాక్సాఫీస్ దగ్గర పోటీ పడుతున్నాయి. అయితే, ఈ మూడు చిత్రాల్లో ఫ్యామిలీ ఆడియెన్స్ను థియేటర్లకు క్యూ కట్టేలా చేసింది మాత్రం ‘సంక్రాంతికి వస్తున్నాం’ మూవీ.
ఈ సినిమాను పూర్తి ఫ్యామిలీ కామెడీ ఎంటర్టైనర్గా దర్శకుడు అనిల్ రావిపూడి తెరకెక్కించగా, వెంకీ మామ చాలా రోజుల తర్వాత తనదైన మ్యానరిజంతో నవ్వించాడు. దీంతో ఈ సినిమా సంక్రాంతి బ్లాక్బస్టర్గా నిలిచింది. ఇక బాక్సాఫీస్ దగ్గర ఈ మూవీ కలెక్షన్ల పరంగా కూడా సాలిడ్గా దూసుకెళ్తోంది. దీంతో ఈ చిత్ర యూనిట్ ఓ గ్రాండ్ సక్సెస్ పార్టీని ప్లాన్ చేస్తున్నారట.
కాగా, ఈ సక్సెస్ పార్టీకి సూపర్ స్టార్ మహేష్ బాబు కూడా రాబోతున్నట్లు తెలుస్తోంది. సినీ సర్కిల్స్లో ప్రస్తుతం ఈ వార్త తెగ చక్కర్లు కొడుతోంది. దీంతో ‘పెద్దోడి పార్టీకి చిన్నోడు వస్తున్నాడు..’ అంటూ ఇద్దరు హీరోల అభిమానులు కామెంట్స్ చేస్తున్నారు. మరి నిజంగానే ఈ సక్సెస్ పార్టీకి మహేష్ వస్తాడా అనేది చూడాలి.