మన టాలీవుడ్ మాస్ కా దాస్ విశ్వక్ సేన్ హీరోగా ఇపుడు చేస్తున్న అవైటెడ్ సినిమానే “లైలా”. నూతన దర్శకుడు రామ్ నారాయణ్ తెరకెక్కించిన ఈ సినిమాలో విశ్వక్ సేన్ డ్యూయల్ షేడ్స్ లో నటిస్తుండగా ఆల్రెడీ వచ్చిన టీజర్, ట్రైలర్ లు మంచి ఆదరణ అందుకున్నాయి. అయితే ఈ సినిమా కోసం రీసెంట్ గానే విశ్వక్ మరియు నిర్మాత సాహు గారపాటి ప్రీ రిలీజ్ ఈవెంట్ గెస్ట్ గా మెగాస్టార్ చిరంజీవిని ఆహ్వానించడానికి వెళ్లిన సంగతి తెలిసిందే.
మరి ఈ మెగా లైలా ఈవెంట్ కి ఇపుడు డేట్ వచ్చేసింది. ఈ ఈవెంట్ ని ఈ ఫిబ్రవరి 9న చేస్తున్నట్టుగా విశ్వక్ సేన్ రివీల్ చేసాడు. దీనితో మాస్ కా దాస్ తో బాస్ ఆఫ్ మాసెస్ ఒకే స్టేజి మీద కనిపించనున్నారని చెప్పాలి. ఇక ఈ ఈవెంట్ కోసం అభిమానులు కూడా ఆసక్తిగా ఎదురు చూస్తున్నారు. మరి ఈ చిత్రానికి లియోన్ జేమ్స్ సంగీతం అందిస్తుండగా ఈ ఫిబ్రవరి 14న సినిమా రిలీజ్ కి రాబోతుంది.