రెబల్ స్టార్ ప్రభాస్ (Prabhas) ప్రధాన పాత్రలో, డైరెక్టర్ నాగ్ అశ్విన్ దర్శకత్వంలో తెరకెక్కుతున్న భారీ బడ్జెట్ మూవీ కల్కి (Kalki2898AD). జూన్ 27, 2024 న వరల్డ్ వైడ్ గా థియేటర్ల లో రిలీజ్ కాబోతున్న ఈ పాన్ వరల్డ్ మూవీ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఇప్పటికే ఈ చిత్రం నుండి రిలీజైన ప్రచార చిత్రాలకి సూపర్ రెస్పాన్స్ వచ్చింది. ఈ చిత్రం లో దీపికా పదుకునే ఫీమేల్ లీడ్ రోల్ లో నటిస్తున్న సంగతి అందరికీ తెలిసిందే. ఈ చిత్రానికి తన పార్ట్ డబ్బింగ్ ను దీపికా పదుకునే పూర్తి చేసినట్లు తెలుస్తోంది. హిందీ మరియు కన్నడ భాషల్లో డబ్బింగ్ ను చెప్పినట్లు సమాచారం.
ఈ క్రేజీ ప్రాజెక్ట్ లో కమల్ హాసన్, అమితాబ్ బచ్చన్, దిశా పటాని తదితరులు కీలక పాత్రల్లో కనిపించనున్నారు. సంతోష్ నారాయణన్ సంగీతం అందిస్తున్న ఈ చిత్రం కోసం ప్రేక్షకులు, అభిమానులు ఎంతో ఆసక్తిగా ఎదురుచూస్తున్నారు.