ఈ సంక్రాంతి పండుగ బరిలో ప్రముఖ టాలీవుడ్ నిర్మాత దిల్ రాజు చిత్రం వరిసు/వారసుడు ప్రేక్షకుల ముందుకు రానుంది. కోలీవుడ్ స్టార్ హీరో విజయ్ హీరోగా నటించిన ఈ చిత్రం పై సర్వత్రా ఆసక్తి నెలకొంది. దిల్ రాజు చేసిన వ్యాఖ్యల తో మరోసారి టాక్ ఆఫ్ ది ఇండస్ట్రీ గా మారిపోయారు. ఆయన తమిళ చిత్రం వరిసు కోసం పలు థియేటర్లను బ్లాక్ చేసినందుకు పలువురు డిస్ట్రిబ్యూటర్లు ఆయనపై ఆగ్రహం వ్యక్తం చేశారు అతనికి వ్యతిరేకంగా చాలా మాట్లాడుతున్నారు.

ఈరోజు దిల్ రాజు ప్రెస్ మీట్ పెట్టి తన స్టాండ్‌ని క్లారిటీ ఇవ్వడానికి మరియు తన రాబోయే సినిమాల గురించి మాట్లాడటానికి సిద్ధంగా ఉన్నారు. వరిసు చిత్రం నందమూరి బాలకృష్ణ హీరోగా నటించిన వీరసింహారెడ్డి, మెగాస్టార్ చిరంజీవి హీరోగా నటించిన వాల్తేరు వీరయ్య చిత్రాలతో పాటు ఈ నెల 12న సంక్రాంతి కానుకగా విడుదలకు సిద్ధంగా ఉంది. మరి తన సినిమాకు థియేటర్ల కేటాయింపు గురించి దిల్ రాజు ఏం మాట్లాడతారు అనే దానిపై అంతా ఎదురు చూస్తున్నారు.