టాలీవుడ్ యంగ్ హీరో, ఎనర్జిటిక్ స్టార్ రామ్ పోతినేని ప్రధాన పాత్రలో, డాషింగ్ డైరెక్టర్ పూరి జగన్నాథ్ దర్శకత్వంలో తెరకెక్కుతున్న ఔట్ అండ్ ఔట్ మాస్ యాక్షన్ ఎంటర్టైనర్ డబుల్ ఇస్మార్ట్ (Double ismart). ఈ చిత్రం ఇస్మార్ట్ శంకర్ చిత్రానికి సీక్వెల్ గా తెరకెక్కుతోంది. మెలోడీ బ్రహ్మ మణిశర్మ సంగీతం అందిస్తున్న ఈ చిత్రం డిజిటల్ రైట్స్ పై సోషల్ మీడియా లో బజ్ వినిపిస్తోంది.
ఈ చిత్రం యొక్క డిజిటల్ హక్కులని ఓ ప్రముఖ ఓటిటి ప్లాట్ ఫారం భారీ ధరకు కొనుగోలు చేసింది అని సమాచారం. అంతేకాక రామ్ పోతినేని కెరీర్ లోనే అత్యధిక ధరకు ఈ డీల్ కుదిరినట్లు తెలుస్తోంది. బాలీవుడ్ స్టార్ యాక్టర్ సంజయ్ దత్ కీలక పాత్రలో నటిస్తున్న ఈ చిత్రం పై అందరిలో ఆసక్తి నెలకొంది. అయితే మే 15 వ తేదీన రామ్ బర్త్ డే సందర్భం గా ఈ చిత్రం కి సంబందించిన ఏదైనా అప్డేట్ వచ్చే అవకాశాలు కనిపిస్తున్నాయి.
