ఫహాద్ ఫాసిల్ హీరోగా కొత్త దర్శకుడు శశాంక్ ఏలేటి తెరకెక్కిస్తున్న ఫాంటసీ డ్రామా ‘డోంట్ ట్రబుల్ ది ట్రబుల్’ ఇప్పటికే మంచి బజ్ క్రియేట్ చేసింది. విచిత్రమైన శక్తులు ఉన్న ఒక చిన్నారితో సూరి (ఫహాద్ ఫాసిల్) సాగించే ప్రయాణం చుట్టూ ఈ కథ తిరుగుతుంది. ఆర్కా మీడియా వర్క్స్, షోయింగ్ బిజినెస్ పతాకాలపై శోభు యార్లగడ్డ, ప్రసాద్ దేవినేని, ఎస్.ఎస్. కార్తికేయ నిర్మిస్తున్న ఈ చిత్రానికి దర్శకధీరుడు ఎస్.ఎస్. రాజమౌళి సమర్పకుడిగా వ్యవహరిస్తున్నారు.
గతంలో ఈ సినిమాను సెప్టెంబర్ 11న విడుదల చేయనున్నట్లు ప్రకటించినప్పటికీ, తాజాగా ఈ రిలీజ్ డేట్ను వాయిదా వేశారు. ఈ చిత్రాన్ని గాంధీ జయంతి సందర్భంగా అక్టోబర్ 2, 2026న థియేటర్లలోకి రిలీజ్ చేస్తున్నట్లు మేకర్స్ వెల్లడించారు. కాలభైరవ సంగీతం అందిస్తున్న ఈ చిత్రం తెలుగు, తమిళ, మలయాళ భాషల్లో ప్రేక్షకుల ముందుకు రానుంది.
