యాక్ష‌న్ థ్రిల్ల‌ర్‌ కథాంశంతో తెరకెక్కుతోన్న తాజా చిత్రం స్పార్క్ L.I.F.E. విక్రాంత్, మెహరీన్ పిర్జాదా, రుక్స‌ర్ థిల్లాన్ హీరో హీరోయిన్స్‌గా భారీ బ‌డ్జెట్‌తో రూపొందుతోన్న ఈ చిత్రంలో హీరోగా నటించడంతో పాటు విక్రాంత్ కథ, స్క్రీన్ ప్లే అందిస్తూ డైరెక్షన్ కూడా చేశారు. డెఫ్ ఫ్రాగ్ ప్రొడ‌క్ష‌న్స్ బ్యాన‌ర్ హై బడ్జెట్, టెక్నికల్ వాల్యూస్‌తో ప్రొడ్యూస్ చేసింది. మలయాళం బ్లాక్ బస్టర్ హృదయం, విజయ్ దేవరకొండ ఖుషి సినిమాల ఫేమ్ హేషం అబ్దుల్ వహాబ్ స్పార్క్ L.I.F.E కు సంగీతం అందిస్తున్నారు. ఈ రోజు సినిమాలో మొదటి పాట ఏమా అందంను విడుదల చేశారు మేకర్స్. అనంత శ్రీరామ్ లిరిక్స్ అందించిన ఈ పాటను సిద్ శ్రీరామ్ ఆలపించారు. విశాఖలోని ఓ కాలేజీలో జరిగిన కార్యక్రమంలో ఈ పాటను విడుదల చేశారు. హేషం అందించిన అద్భుతమైన బాణీకి అనంత శ్రీరామ్ సాహిత్యం, సిద్ శ్రీరామ్ గాత్రం తోడు కావడంతో ఇన్స్టంట్ చార్ట్ బస్టర్‌గా నిలిచింది.
హీరో విక్రాంత్, హీరోయిన్ రుక్సార్ థిల్లాన్ మీద ఈ పాటను తెరకెక్కించారు. విజువలైజేషన్ కూడా ఎంతో బాగుండడంతో పాటు ఆడియన్స్‌ను అట్ట్రాక్ట్ చేస్తుంది. ఆల్రెడీ రిలీజైన టీజర్ సినిమాపై అంచనాలు పెంచింది. నవంబర్ 17న ఈ సినిమా విడుదల చేయనున్నారు. స్పార్క్ మూవీ షూటింగ్ అంతా పూర్తయ్యింది. ప్రస్తుతం పోస్ట్ ప్రొడక్ష‌న్ పనులు శ‌ర‌వేగంగా జ‌రుగుతున్నాయి. మలయాళ విలక్ష‌ణ న‌టుడు గురు సోమ‌సుంద‌రం ప్రతినాయకుడి పాత్ర‌లో అల‌రించ‌బోతున్నారు. ఇంకా ఈ చిత్రంలో నాజ‌ర్‌, సుహాసిని మ‌ణిర‌త్నం, వెన్నెల కిషోర్‌, స‌త్య, బ్రహ్మాజీ, శ్రీకాంత్ అయ్యంగార్‌, చమ్మక్ చంద్ర, అన్న‌పూర్ణ‌మ్మ, రాజా రవీంద్ర త‌దిత‌రులు ఇత‌ర పాత్ర‌ల్లో న‌టిస్తున్నారు. తెలుగు, త‌మిళ, హిందీ, క‌న్న‌డ, మలయాళ భాష‌ల్లో ఈ సినిమా గ్రాండ్ రిలీజ్ అవుతుంది. తప్పకుండా తమ చిత్రం ఆడియన్స్ ఆదరణ అందుకుంటుందని మేకర్స్ ఆశాభావం వ్యక్తం చేస్తున్నారు.