ఆర్య హీరోగా రాఘవన్ దర్శకత్వం లో తెరకెక్కిన చిత్రం “గజేంద్రుడు”. తమిళ ‘కదంబన్’చిత్రానికి తెలుగు అనువాదంగా విడుదలైన “గజేంద్రుడు” మూవీని ఉదయ్ హర్ష విడుదల చేశారు. భారతీ ,వరప్రసాద్ వడ్డెల సమర్పకులు. విడుదలైన అన్ని కేంద్రాలలో పాజిటివ్ టాక్ ని తెచ్చుకున్న ఈ మూవీ మంచి వసూళ్లు సాధిస్తుంది.
ఈ సందర్భంగా చిత్ర సక్సెస్ మీట్ ను హైదరాబాద్ లో ఏర్పాటు చేసారు. ఎటువంటి ప్రచార ఆర్భాటం లేకుండా విడుదలైనా కూడా దాదాపు నైజాం ఏరియాలో 300 థియేటర్లలో ప్రదర్శించబడుతూ విజయవంతంగా ప్రదర్శించబడుతూ సైలెంట్ హిట్ గా నిలిచింది అని ఈ మూవీని నైజాంలో విడుదల చేసిన ప్రశాంత్ గౌడ్ అన్నారు అడవిలో ఎన్నో కష్టనష్టాలకు ఓర్చి ఈ చిత్రాన్ని నిర్మించాం,తెలుగు,తమిళ ప్రేక్షకులు ఆకష్టానికి ఫలితంగా మంచి విజయాన్ని అందించారు అన్నారు హీరో ఆర్య. ఆర్య సరసన క్యాథరిన్ నటించిన ఈ మూవీని సూపర్ గుడ్ ఫిలిమ్స్ పతాకంపై ఆర్ బి చౌదరి నిర్మించగా,యువన్ శంకర్ రాజా స్వరాలు సమకూర్చారు.
