గ్లోబల్ మెగాపవర్ స్టార్ రామ్ చరణ్ హీరోగా కియారా అద్వానీ (Kiara Advani) హీరోయిన్ గా మావెరిక్ దర్శకుడు శంకర్ (Shankar) కాంబినేషన్ లో చేస్తున్న భారీ పాన్ ఇండియా చిత్రం “గేమ్ చేంజర్” కోసం అందరికీ తెలిసిందే. మరి ఈ సినిమా షూటింగ్ ఇప్పుడు తుది దశకు చేరుకుంటుండగా శంకర్ షూట్ ని శరవేగంగా పూర్తి చేస్తున్నారు. అయితే లేటెస్ట్ గా కొన్ని కీలక సీన్స్ కోసం చరణ్ చెన్నై ప్రయాణం అయినట్టుగా తెలుస్తుంది.
ఓ రెండు రోజుల షూట్ కోసం చరణ్ ఇప్పుడు ప్రత్యేకంగా బయలుదేరాడట. మరి కేవలం రెండు రోజుల కోసమే అంటే అవి ఎంత ముఖ్యమో అర్ధం చేసుకోవచ్చు. ఇక ఈ చిత్రంలా అంజలి, ఎస్ జే సూర్య అలాగే శ్రీకాంత్, రవిబాబు, సునీల్ తదితరులు నటిస్తుండగా ఈ సాలిడ్ పొలిటికల్ థ్రిల్లర్ కి కార్తీక్ సుబ్బరాజ్ కథ అందించాడు. అలాగే థమన్ సంగీతం అందిస్తుండగా దిగ్గజ నిర్మాత దిల్ రాజు తమ బ్యానర్ లో 50వ సినిమాగా భారీ బడ్జెట్ తో నిర్మాణం వహిస్తున్నారు.
