సౌత్ ఇండియన్ ఫిల్మ్ ఇండస్ట్రీలోని టాప్ హీరోయిన్లలో హన్సిక ఒకరు. అల్లు అర్జున్ దేశముదురు చిత్రంలో ఆమె తొలిసారిగా నటించింది. 50 సినిమాల్లో నటించిన ఈమె చాలా మంది స్టార్ హీరోల సరసన జోడీ కట్టింది. ఈ నటి గత కొన్నేళ్లుగా ఎక్కువ తమిళ సినిమాలు చేస్తోంది. ప్రస్తుతం ఈ నటికి సంబంధించి ఓ ఆసక్తికర రూమర్ చక్కర్లు కొడుతోంది.
దక్షిణాదికి చెందిన ప్రముఖ రాజకీయ నాయకుడి కొడుకుతో హన్సిక త్వరలో పెళ్లి చేసుకోనుందని తమిళ మీడియాలో వార్తలు వస్తున్నాయి. నివేదికల ప్రకారం వరుడు వ్యాపారవేత్త. అలాగే, ఇరు కుటుంబాలు చాలా కాలం క్రితమే ఈ నిర్ణయం తీసుకున్నాయని, అలాగే నిశ్చితార్థానికి తేదీ కూడా ఫిక్స్ అయిందని అంటున్నారు. అయితే ఈ న్యూస్ ఇప్పుడు సినీ పరిశ్రమ లో హాట్ టాపిక్ గా మారుతోంది.