అఖిల్ – హను రాఘవపూడి సినిమా ఆగిపోలేదట!

అఖిల్ – హను రాఘవపూడి సినిమా ఆగిపోలేదట!

Published on Aug 15, 2016 10:57 AM IST

akhil-hanu-raghavapudi
‘అందాల రాక్షసి’, ‘కృష్ణగాడి వీరప్రేమ గాథ’ లాంటి సినిమాలతో దర్శకుడిగా తనదైన మార్క్ సృష్టించుకున్న హను రాఘవపూడి, కొద్దిరోజుల క్రితం అఖిల్‌తో ఓ సినిమా చేయనున్నట్లు ప్రకటించిన విషయం తెలిసిందే. ఇదే విషయాన్ని ఇద్దరూ ఖరారు చేస్తూ, తమ కాంబినేషన్‌లో తెరకెక్కే సినిమా స్క్రిప్ట్ వర్క్ కూడా పూర్తైందని తెలియజేశారు. అయితే తాజాగా ఈ సినిమా సెట్స్‌పైకి వెళ్ళకుండా ఆగిపోయింది. దీంతో హను, నితిన్‌తో ఓ సినిమా చేసేందుకు సిద్ధమైపోయారు.

కాగా తాజా సమాచారం మేరకు అఖిల్ సినిమా కేవలం వాయిదా పడిందని, ఆ సినిమా ఆగిపోలేదని తెలిసింది. ఈ సినిమాను నిర్మించనున్న మైత్రీ మూవీ మేకర్స్, అఖిల్ మూడో సినిమాగా ఈ ప్రాజెక్టును రెడీ చేయనుందని తెలుస్తోంది. వచ్చే ఏడాది సమ్మర్‌లో ఈ సినిమా సెట్స్‌పైకి వెళ్ళనుందట. అఖిల్, నితిన్ ఇద్దరికీ హను వేర్వేరు కథలు సిద్ధం చేశాడని, అఖిల్ కథ అలాగే ఉందని తెలుస్తోంది. ఇక అఖిల్ రెండో సినిమాకు ఎవరు దర్శకత్వం వహిస్తారన్నది మాత్రం ఇంకా తెలియాల్సి ఉంది.

సంబంధిత సమాచారం

తాజా వార్తలు