పాన్ ఇండియా స్టార్ ప్రభాస్ కెరీర్ లో చేసిన ఎన్నో చిత్రాల్లో దర్శక దిగ్గజం ఎస్ ఎస్ రాజమౌళి తో మొదటి సారి చేసి భారీ హిట్ సినిమా “ఛత్రపతి” కోసం తెలిసిందే. అయితే తెలుగులో ఎంతో పెద్ద హిట్ అయ్యిన ఈ సినిమాని తెలుగు నుంచే మరో హీరో అయినటువంటి బెల్లంకొండ సాయి శ్రీనివాస్ బాలీవుడ్ లో “ఛత్రపతి” గా చేసాడు. మన టాలీవుడ్ దర్శకుడు రీమేక్స్ లో స్పెషలిస్ట్ అయ్యిన దర్శకుడు వివి వినాయక్ తెరకెక్కించిన ఈ చిత్రం టీజర్ తో సెన్సేషన్ రేపింది.
ఇక ట్రైలర్ వచ్చాక కూడా మంచి అంచనాలు ఏర్పర్చుకున్న ఈ చిత్రం రన్ టైం ఇప్పుడు బయటికి వచ్చింది. అయితే హిందీలో ఇంట్రెస్టింగ్ గా ఈ చిత్రాన్ని చాలా వరకు తగ్గించేయడం విశేషం. హిందీలో ఈ సినిమా కేవలం 123 నిమిషాల 47 సెకండ్స్ మాత్రమే వచ్చిందట. అంటే కేవలం రెండు గంటల సినిమాగా మాత్రమే ఇది ఉంటుంది అని చెప్పాలి. దీనితో ఒరిజినల్ లో చాలా సీన్స్ ఈ సినిమాలో లేనట్టే అనుకోవాలి. మరి రేపు రిలీజ్ అవుతున్న ఈ సినిమా ఎలా ఉంటుందో చూడాలి.