టాలెంటెడ్ నటీనటులు సౌబిన్ షాహిర్, శ్రీనాథ్ బాసి, బాలు వర్గీస్, గణపతి ఎస్ పొదువల్, జీన్ పాల్ లాల్ తదితర నటులు ముఖ్య పాత్రల్లో దర్శకుడు చిదంబరం తెరకెక్కించిన లేటెస్ట్ సర్వైవల్ డ్రామా “మంజుమ్మల్ బాయ్స్”. మళయాళంలో ఇండస్ట్రీ హిట్ అయ్యిన ఈ చిత్రం తెలుగులో కూడా మంచి వసూళ్లు సాధించి హిట్ అయ్యింది. అయితే ఈ సినిమా ఓటిటి రిలీజ్ కోసం ఎదురు చూస్తున్న వారికి హాట్ స్టార్ వారు రీసెంట్ గానే అతి త్వరలో అఫీషియల్ గా వస్తున్నట్టుగా కన్ఫర్మ్ చేశారు.
ఇక ఇప్పుడు మరో అప్డేట్ ని వారు అందించారు. ఈ సినిమా ఓటిటిలో పాన్ ఇండియా భాషల్లో రానున్నట్టుగా తెలిపారు. ఇక రిలీజ్ ఎప్పుడు అనేది తేదీ రివీల్ చేయడమే బాకీ ఉందని చెప్పాలి. మరి పాన్ ఇండియా భాషల్లో ఈ చిత్రానికి ఎలాంటి రెస్పాన్స్ వస్తుందో చూడాలి. మరి ఈ చిత్రానికి సుసీన్ శ్యామ్ సంగీతం అందించగా తెలుగులో మైత్రి మూవీ డిస్ట్రిబ్యూషన్ వారు తెలుగులో రిలీజ్ కి తీసుకొచ్చారు.
