అమెరికన్ నటుడు చాడ్విక్ బోస్‌మన్ మనందరినీ విడిచిపెట్టి 2 సంవత్సరాలకు పైగా అయ్యింది. అతను 2018 లో ప్రపంచ వ్యాప్తంగా విడుదలైన బ్లాక్ పాంథర్‌లో తన పాత్రకు ప్రసిద్ధి చెందాడు. ఇప్పుడు ఈ సినిమా సీక్వెల్ ఈ శుక్రవారం విడుదల కానుంది. తెలుగు లో కూడా మార్వెల్ సినిమాల కి మంచి క్రేజ్ ఉంది. ఇప్పుడు బ్లాక్ పాంథర్ వకాండ ఫరెవర్‌కి కూడా అదే జరుగుతోంది. ఈ సీక్వెల్‌లో చాడ్విక్ భాగం కానప్పటికీ (శారీరకంగా) అతని అభిమానులు ఇప్పటికీ అతన్ని పూర్తిగా ఇష్ట పడుతున్నారు.
ఇక తమ ప్రేమను తెలియజేసేందుకు హైదరాబాద్‌లోని సుదర్శన్ థియేటర్‌లో సూపర్‌హీరో భారీ కటౌట్‌ను ఏర్పాటు చేశారు. హైదరాబాద్ ప్రజల నుంచి ఈ గౌరవాన్ని అందుకున్న తొలి హాలీవుడ్ నటుడు ఇతనే. ర్యాన్ కూగ్లర్ దర్శకత్వం వహించిన ఈ చిత్రంలో లెటిటియా రైట్, లుపిటా న్యోంగో, విన్‌స్టన్ డ్యూక్ మరియు ఇతరులు ముఖ్యమైన పాత్రల్లో నటించారు. మార్వెల్ మూవీస్ నిర్మించిన ఈ MCU సినిమా అన్ని ప్రధాన భారతీయ భాషల్లో విడుదల కానుంది.