మన టాలీవుడ్ లెజెండరీ హీరో చిరంజీవి హీరోగా ఇపుడు యువ దర్శకులతో ప్రాజెక్ట్స్ ఓకే చేస్తున్న సంగతి తెలిసిందే. మరి ఈ చిత్రాల్లో ప్రస్తుతం దర్శకుడు వశిష్ఠతో భారీ సినిమా “విశ్వంభర” సెట్స్ మీద ఉండగా ఈ సినిమా తర్వాత మెగాస్టార్ నుంచి శ్రీకాంత్ ఓదెల అలాగే అనీల్ రావిపూడి కలయికలో సినిమాలు కూడా ఉన్నాయి. అయితే మెగాస్టార్ తో అనీల్ ఒక సాలిడ్ ఎంటర్టైనర్ ని చేస్తానని చెప్పుకొచ్చిన సంగతి తెలిసిందే.
అలాగే ఇపుడు దీనిపై మరిన్ని ఇంట్రెస్టింగ్ వార్తలు వినిపిస్తున్నాయి. దీనితో అనీల్ రావిపూడి మెగాస్టార్ తో సినిమాని కొంచెం అప్డేటెడ్ వెర్షన్ కామెడీతో ట్రై చేస్తున్నానని తెలుపుతున్నారు. అలాగే చిరు మార్క్ ఎక్కడా మిస్ కాకుండా ఉండేలా ప్లాన్ చేస్తున్నారట. ఇక ఇది మాత్రమే కాకుండా ఈ సినిమా ఈ ఏడాదిలోనే స్టార్ట్ చేసి ముగించేసి వచ్చే ఏడాది సంక్రాంతి బరిలో డెఫినెట్ గా నిలిపే ప్రయత్నాలు కూడా జరుగుతున్నాయట. దీనితో ఈ క్రేజీ కలయికపై మరిన్ని అంచనాలు ఏర్పడ్డాయి.