కంటెంట్ ఉన్న సినిమా వస్తే ప్రేక్షకులు ఎప్పుడూ ఆదరిస్తారనడానికి ‘ఇరుముడి’ చిత్రం బాక్సాఫీస్ వద్ద మరోసారి నిరూపించింది. ఆగస్టు 21న విడుదలైన ఈ సినిమా, మూడు వారాలు విజయవంతంగా పూర్తి చేసుకుని నాలుగో వారంలోనూ అదే జోరును కొనసాగిస్తోంది. గతంలో వచ్చిన కొన్ని సినిమాల పోటీని తట్టుకుంటూ, ఈ వారం విడుదలైన అరడజను కొత్త సినిమాలు కూడా ఎలాంటి ప్రభావం చూపకపోవడంతో ‘ఇరుముడి’ హవా మరింత పెరిగింది. కొత్త చిత్రాలు ప్రేక్షకులను థియేటర్లకు రప్పించడంలో విఫలమవడంతో, ఫ్యామిలీ ఆడియన్స్ అందరూ ఈ సినిమా వైపే చూస్తున్నారు.
ప్రస్తుతం థియేటర్లలో హౌస్ఫుల్ బోర్డులు పడుతుండటంతో బాక్సాఫీస్ వద్ద ఈ సినిమా కాసుల వర్షం కురిపిస్తోంది. మైత్రి రవి చెప్పినట్లుగానే ఇది లాంగ్ రన్లో అద్భుతాలు సృష్టిస్తుందని నిరూపితమవుతోంది. రానున్న రోజుల్లో మరికొన్ని చిత్రాలు విడుదలవుతున్నప్పటికీ, ‘ఇరుముడి’కి ఉన్న క్రేజ్ మరియు పాజిటివ్ టాక్ కారణంగా దీని దూకుడు ఇప్పట్లో తగ్గేలా లేదు. బలమైన కథాబలం ఉంటే ఏ సినిమానైనా ప్రేక్షకులు నెత్తికెత్తుకుంటారు అనడానికి ఈ చిత్రమే అసలైన నిదర్శనం.
