కమల్ హాసన్ అభిమానులకు విక్రమ్ మూవీ చాలా ప్రత్యేకం. ఈ చిత్రం కమల్ హాసన్ కి సాలిడ్ కమ్ బ్యాక్ ను ఇవ్వడం మాత్రమే కాకుండా, అభిమానులను కావాల్సిన అన్ని అంశాలను ఇందులో ఇచ్చింది. ఈ చిత్రంలో విజయ్ సేతుపతి నెగిటివ్ రోల్‌లో నటించారు. వీరిద్దరి అద్భుతమైన పెర్ఫార్మర్స్‌ను ఒకే ఫ్రేమ్‌లో కలిసి చూడటం ప్రేక్షకులకు చాలా బాగా నచ్చింది.
కోలీవుడ్ ఫిల్మ్ సర్కిల్స్‌ లో లేటెస్ట్ బజ్ ఏమిటంటే, ఈ నటీనటులు మళ్లీ హెచ్.వినోత్ దర్శకత్వం వహించే చిత్రం కోసం ఏకమవుతారు. సినిమా ప్రకటన ఇంకా వెలువడనప్పటికీ, ఈ న్యూస్ వైరల్‌గా మారింది. అభిమానులు వారిని మళ్లీ కలిసి చూడాలని కోరుకున్నారు. కమల్ ప్రస్తుతం భారతీయుడు 2తో బిజీగా ఉన్నాడు. ఇటీవల మణిరత్నంతో కూడా ఒక ప్రాజెక్ట్‌ను ప్రకటించాడు. విజయ్ సేతుపతి కూడా కొన్ని సినిమాలతో బిజీగా ఉన్నాడు. ఈ కాంబో రిపీట్ అవుతుందా లేదా అనేది కాలమే నిర్ణయిస్తుంది.