ప్రస్తుతం ఇండియన్ బాక్సాఫీస్ మీదకు దండయాత్ర చెయ్యడానికి రెడీగా ఉన్న భారీ పాన్ ఇండియన్ చిత్రాల్లో “కేజీయఫ్ చాప్టర్ 2” కూడా ఒకటి. కన్నడ రాకింగ్ స్టార్ యష్ మరియు ప్రశాంత్ నీల్ దర్శకత్వంలో తెరకెక్కిన ఈ భారీ చిత్రంపై తారా స్థాయి అంచనాలు ఇప్పుడు నెలకొన్నాయి. మరి అలాగే ఈ భారీ చిత్రం నుంచి వచ్చిన లేటెస్ట్ టీజర్ తో అయితే అవి ఆ హద్దులను కూడా దాటేశాయి.
మరి టీజర్ అయితే వచ్చింది ఇక సినిమా ఎప్పుడెప్పుడు వస్తుందా అని అంతా ఆసక్తిగా ఎదురు చూస్తున్నారు. మరి లాక్ డౌన్ లేకుండా ఉంటే ఈ పాటికే విడుదల కావాల్సి ఉన్న ఈ భారీ చిత్రానికి ఒక డేట్ ను మేకర్స్ ఫిక్స్ చేసినట్టుగా తెలుస్తుంది. ఈ సినిమాను మేకర్స్ ప్రపంచ వ్యాప్తంగా వచ్చే జూలై 30న గ్రాండ్ రిలీజ్ చెయ్యాలి అన్నట్టుగా ఫిక్స్ చేసినట్టు తెలుస్తుంది.
ఏది ఏమైనప్పటికీ ఈ సినిమా మాత్రం ఎప్పుడు విడుదల అయినా కనీ వినీ ఎరుగని ఫిగర్స్ ను మొట్ట మొదటి రోజు ఇండియన్ సినిమా వద్ద నమోదు చెయ్యడం ఖాయం అని చెప్పాలి.శ్రీనిధి శెట్టి హీరోయిన్ గా నటించిన ఈ చిత్రంలో సంజయ్ దత్, ప్రకాష్ రాజ్, రావు రమేష్ లాంటి అగ్ర తారాగణంతో తెరకెక్కింది. అలాగే హోంబలే పిక్చర్స్ వారు ప్రతిష్ఠాత్మకంగా నిర్మించిన ఈ చిత్రం ఎప్పుడు విడుదల కానుందో చూడాలి.
