ప్రీమియర్ షోస్‌తో ‘కబాలి’కి అదిరిపోయే కలెక్షన్స్!

ప్రీమియర్ షోస్‌తో ‘కబాలి’కి అదిరిపోయే కలెక్షన్స్!

Published on Jul 22, 2016 6:00 PM IST

kabali
సూపర్ స్టార్ రజనీ కాంత్ అభిమానులకు పండగరోజుగా ఆయన హీరోగా నటించిన ‘కబాలి’ సినిమా నేడు ప్రపంచవ్యాప్తంగా భారీ ఎత్తున విడుదలైన విషయం తెలిసిందే. నిన్న అర్థరాత్రి నుంచే యూఎస్‌తో పాటు పలు ఇతర దేశాల్లో ఈ సినిమా ప్రీమియర్ షోస్ ప్రదర్శితం కాగా, ఈ ప్రీమియర్ షోస్‌తో కబాలికి అదిరిపోయే కలెక్షన్స్ వచ్చాయి. ముఖ్యంగా యూఎస్ బాక్సాఫీస్ వద్ద ఈ సినిమా ప్రీమియర్ షోస్‌తోనే 2 మిలియన్ డాలర్లు వసూలు చేసింది. ఇది ఇండియన్ సినిమాకే సరికొత్త రికార్డుగా చెప్పబడుతోంది.

తమిళంళో రియలిస్టిక్ సినిమాల దర్శకుడిగా పేరున్న పా రంజిత్ తెరకెక్కించిన ఈ సినిమా రియలిస్టిక్ సినిమాగా పేరు తెచ్చుకున్నా, రజనీ మార్క్ అంశాలేవీ సినిమాలో లేకపోవడం అభిమానులను బాగా నిరాశపరిచింది. అన్నిచోట్లా సినిమాకు ఊహించిన స్థాయిలో స్పందన అయితే రాలేదు. కాగా సినిమాకు మొదట్నుంచీ విపరీతమైన క్రేజ్ ఉండడంతో, ఆ క్రేజ్ దృష్ట్యానే ఈ స్థాయిలో ఓపెనింగ్స్ సాధించింది. కళైపులి థాను నిర్మించిన ఈ సినిమాలో రాధికా ఆప్టే, ధన్సిక ఇతర ప్రధాన పాత్రల్లో నటించారు.

సంబంధిత సమాచారం

తాజా వార్తలు