సౌత్ ఇండియా స్టార్ హీరోయిన్ క్వీన్ ఆఫ్ మాసెస్ కాజల్ అగర్వాల్ ఇప్పుడు వరకు అనేక భాషల్లో ఎన్నో చిత్రాలు చేసిన సంగతి తెలిసిందే. అలా తన కెరీర్ లో ఆమె చేసిన 60వ చిత్రమే “సత్యభామ”. ఓ ఇంట్రెస్టింగ్ కాప్ డ్రామాగా దర్శకుడు సురన్ చిక్కాల తెరకెక్కించిన ఈ చిత్రం ఎప్పుడో విడుదల కావాల్సి ఉండగా మేకర్స్ సరైన డేట్ కోసం చూస్తూనే ఉన్నారు. ఇప్పటికే రెండు సార్లు ఓ డేట్ ని అనౌన్స్ చేసి వాయిదా వేయగా తాజాగా ఈ మే 25న విడుదల కావాల్సి ఉంది.
కానీ ఇప్పుడు ఈ డేట్ నుంచి కూడా మేకర్స్ చిత్రాన్ని వాయిదా వేసినట్టుగా తెలిపారు. అలా తాజాగా దీనితో పాటుగా కొత్త డేట్ ని కూడా లాక్ చేశారు. మరి దీనితో ఈ సినిమా ఈ జూన్ 7న గ్రాండ్ గా రిలీజ్ కి రాబోతున్నట్టుగా తెలియజేసారు. సో ఈ సినిమా కోసం ఫ్యాన్స్ అప్పుడు వరకు ఆగాలి అని చెప్పాలి. ఇక ఈ చిత్రంలో ప్రకాష్ రాజ్, నాగినీడు తదితరులు కీలక పాత్రల్లో నటించగా శ్రీచరణ్ పాకాల సంగీతం అందించాడు. అలాగే ఆరం ఆర్ట్స్ వారు నిర్మాణం వహించారు.
