డైనమిక్ హీరో విష్ణు మంచు డ్రీమ్ ప్రాజెక్ట్ కన్నప్ప నుంచి వస్తున్న ప్రతీ అప్డేట్ ఎంతగా వైరల్ అవుతోందో అందరికీ తెలిసిందే. ఈ చిత్రం ఇప్పుడు మరోసారి వార్తల్లో నిలిచింది. ఈ చిత్రం కి సంబందించిన టీజర్ ను కేన్స్ ఫిల్మ్ ఫెస్టివల్ లో లాంఛ్ చేయనున్నారు. ఇదే విషయాన్ని మేకర్స్ సరికొత్త పోస్టర్ ద్వారా వెల్లడించారు. మే 20, 2024 న సాయంత్రం 6:00 గంటలకి ఈ ఈవెంట్ జరగనుంది. రిలీజ్ చేసిన పోస్టర్ ఆడియెన్స్ ను ఆకట్టుకుంటుంది. విష్ణు పోస్టర్ లో పవర్ ఫుల్ గా కనిపిస్తున్నారు. ది వరల్డ్ ఆఫ్ కన్నప్ప గ్లింప్స్ గా రిలీజ్ కానున్న ఈ వీడియో పై అందరిలో ఆసక్తి నెలకొంది.

ఎంతో ప్రతిష్టాత్మకంగా తెరకెక్కుతున్న ఈ భారీ బడ్జెట్ మూవీ లో పాన్ ఇండియా స్టార్ హీరో ప్రభాస్, మోహన్ లాల్, బాలీవుడ్ స్టార్ హీరో అక్షయ్ కుమార్, మోహన్ బాబు తదితరులు కీలక పాత్రల్లో కనిపించనున్నారు. ఈ టీజర్ లో వీరి రోల్స్ మరియు లుక్స్ రివీల్ అయ్యే అవకాశాలు కనిపిస్తున్నాయి. విష్ణు మంచు డ్రీమ్ ప్రాజెక్ట్‌ అయిన ఈ కన్నప్పను మోహన్ బాబు భారీ ఎత్తున నిర్మిస్తున్నారు. ముఖేష్ కుమార్ సింగ్ దర్శకత్వం వహిస్తున్న ఈ చిత్రానికి కెమెరామెన్‌గా ప్రఖ్యాత హాలీవుడ్ సినిమాటోగ్రాఫర్ షెల్డన్ చౌ, యాక్షన్ డైరెక్టర్ కెచా ఖంపక్డీతో సహా ఆకట్టుకునే అద్భుతమైన టీం పనిచేస్తోంది. ఆకర్షణీయమైన విజువల్స్, అద్భుతమైన కథ, కథనాలతో ప్రపంచ వ్యాప్తంగా ఈ చిత్రం త్వరలోనే ప్రేక్షకుల ముందుకు రానుంది.