లౌక్య ఎంట‌ర్‌టైన్‌మెంట్స్‌ పతాకంపై యంగ్ హీరో కార్తికేయ, డీజే టిల్లు ఫేమ్ నేహా శెట్టి జంటగా నటిస్తున్న చిత్రం బెదురులంక 2012. ఇటీవల విడుదలైన కాన్సెప్ట్ మరియు టైటిల్ పోస్టర్ కి అద్భుతమైన స్పందన లభించగా, తాజాగా ఈ చిత్రం నుండి ప్రీ లుక్ ని విడుదల చేశారు మేకర్స్. ఈ ప్రీ లుక్ చాలా ఇంట్రెస్టింగ్ గా ఉంది. ఈ చిత్రం కి సంబంధించిన ఫస్ట్ లుక్ ను నవంబర్ 30న ఉదయం 10:40 గంటలకు విడుదల చేయనున్నారు. నిర్మాత రవీంద్ర బెనర్జీ (బెన్నీ) ముప్పానేని, సమర్పకులు యువరాజ్ మరియు దర్శకుడు క్లాక్స్ చిత్ర కాన్సెప్ట్ పై చాలా నమ్మకంగా ఉన్నారు.
కామెడీ డ్రామాగా, గోదావరి నేపథ్యంలో సాగే కథ నేపథ్యం లో వినోదం, మానవ భావోద్వేగాలతో కూడిన కథతో తెరకెక్కనున్న ఈ చిత్రంలో కార్తికేయ పాత్ర తో పాటు స్ట్రాంగ్ కంటెంట్, కడుపుబ్బా నవ్వించే వినోదం సమపాళ్లలో ఉందని నిర్మాతలు చెబుతున్నారు. మెలోడీ బ్రహ్మ మణిశర్మ అద్భుతమైన పాటలందించగా, దివంగత గీత రచయిత సిరివెన్నెల సీతారామశాస్త్రి గారు ఈ చిత్రంలో ఒక పాట రాయడం విశేషం.
అజయ్ ఘోష్, రాజ్ కుమార్ కసిరెడ్డి, శ్రీకాంత్ అయ్యంగార్, ‘ఆటో’ రామ్ ప్రసాద్, గోపరాజు రమణ, ఎల్బీ శ్రీరామ్, సత్య, సురభి ప్రభావతి, కిట్టయ్య, అనితానాథ్, దివ్య నార్ని తదితరులు నటిస్తున్న ఈ చిత్రానికి యాక్షన్ అంజి, పృధ్వీ కాస్ట్యూమ్ డిజైనర్ అనూషా పుంజాల, పి.ఆర్.ఓ పులగం చిన్నారాయణ, ఎడిటింగ్ విప్లవ్ న్యాసదం, సాహిత్యం సిరివెన్నెల సీతారామశాస్త్రి, కిట్టూ విస్సాప్రగడ, కృష్ణ చైతన్య, ప్రొడక్షన్ డిజైన్ సుధీర్ మాచర్ల, ఎగ్జిక్యూటివ్ నిర్మాత దుర్గారావు గుండా, సినిమాటోగ్రఫీ సాయి ప్రకాష్ ఉమ్మడి సింగు, సన్నీ కూరపాటి, కొరియోగ్రాఫర్ బృంద, మోయిన్, సంగీతం మణిశర్మ, సహ నిర్మాతలు అవనీంద్ర ఉపద్రష్ట, వికాస్ గున్నల, సమర్పణ సి. యువరాజ్, నిర్మాత రవీంద్ర బెనర్జీ ముప్పానేని, రచన, దర్శకత్వం క్లాక్స్ లుగా వ్యవహరిస్తున్నారు.