కోలీవుడ్ హీరో కార్తీ నటించిన లేటెస్ట్ మూవీ సర్దార్ తమిళం మరియు తెలుగు భాషలలో విడుదలై ప్రేక్షకులని, అభిమానులని విశేషం గా ఆకట్టుకుంటుంది. మౌత్ టాక్ పాజిటివ్‌గా ఉండటంతో బాక్సాఫీస్ వద్ద సినిమా మంచి వసూళ్లను రాబడుతోంది. స్పై థ్రిల్లర్‌గా తెరకెక్కిన ఈ చిత్రంలో కార్తీ ద్విపాత్రాభినయం చేశారు. అయితే ఈ సినిమా హక్కులను ప్రముఖ ఎంటర్టైన్‌మెంట్ ఛానెల్ జీ తెలుగు మంచి ధరకు సొంతం చేసుకుంది.
రాశి ఖన్నా మరియు రజిషా విజయన్ కథానాయికలుగా నటించిన ఈ చిత్రానికి పి.ఎస్. మిత్రన్ దర్శకత్వం వహించారు. ప్రిన్స్ పిక్చర్స్ బ్యానర్‌ పై ఎస్.లక్ష్మణ్ కుమార్ ఈ చిత్రాన్ని నిర్మించారు. చంకీ పాండే, లైలా, మురళీ శర్మ, మునీష్‌కాంత్ కీలక పాత్రలు పోషించగా, జివి ప్రకాష్ సంగీతం అందించారు. నాగార్జున యొక్క అన్నపూర్ణ స్టూడియోస్ ఈ చిత్రం యొక్క తెలుగు వెర్షన్‌ను ఆంధ్ర, తెలంగాణ ప్రాంతాలలో విడుదల చేసింది.