ప్రేమకథ చిత్రాల స్పెషలిస్ట్ దర్శకుడు ఎ.కరుణాకరన్ కొంత విరామం తర్వాత మళ్లీ మెగాఫోన్ పట్టాడు. యంగ్ హీరో బెల్లంకొండ గణేష్ హీరోగా ఆయన దర్శకత్వంలో తెరకెక్కనున్న కొత్త చిత్రం నేడు గ్రాండ్గా ప్రారంభమైంది. గోల్డెన్ టర్టిల్ ఎంటర్టైన్మెంట్స్ పతాకంపై మౌనికా రెడ్డి ఈ చిత్రాన్ని నిర్మిస్తున్నారు. పూజా కార్యక్రమాలతో ఘనంగా మొదలైన ఈ సినిమా షూటింగ్ త్వరలోనే రెగ్యులర్గా ప్రారంభం కానుంది.
ఈ సినిమాను సరికొత్త న్యూ ఏజ్ రొమాంటిక్ కామెడీ గా తెరకెక్కించబోతున్నట్లు చిత్ర యూనిట్ తెలిపింది. వినోదాత్మక చిత్రాల దర్శకుడు అనుదీప్ కేవీ ఈ సినిమాకు మాటలు అందిస్తుండటం విశేషం. కరుణాకరన్ మార్క్ ఫీల్ గుడ్ ఎలిమెంట్స్కు అనుదీప్ కామెడీ టైమింగ్ తోడైతే సినిమా మరో స్థాయిలో ఉంటుందని అభిమానులు భావిస్తున్నారు. ఇక భీమ్స్ సిసిరోలియో ఈ చిత్రానికి సంగీతాన్ని అందిస్తుండటం మరో విశేషం.
‘స్వాతిముత్యం’, ‘నేను స్టూడెంట్ సర్’ వంటి సినిమాలతో తనకంటూ గుర్తింపు తెచ్చుకున్న గణేష్, కరుణాకరన్ వంటి దర్శకుడితో చేతులు కలపడంతో ఈ కాంబినేషన్లో ఎలాంటి సినిమా రాబోతుందా అనే ఆసక్తి నెలకొంది.
