వినరో భాగ్యము విష్ణు కథతో కమర్షియల్ హిట్ సాధించిన ప్రామిసింగ్ యంగ్ హీరో కిరణ్ అబ్బవరం తదుపరి పక్కా కమర్షియల్ ఎంటర్టైనర్ మీటర్ చిత్రం లో కనిపించనున్నాడు. మైత్రీ మూవీ మేకర్స్ సమర్పణలో క్లాప్ ఎంటర్టైన్‌మెంట్ నిర్మిస్తున్న ఈ చిత్రానికి నూతన దర్శకుడు రమేష్ కడూరి దర్శకత్వం వహిస్తున్నారు. ఈ సినిమా ఫస్ట్‌లుక్‌ని కిరణ్ అబ్బవరం పుట్టినరోజున ఆవిష్కరించి, మాస్ లుక్‌లో నటుడిని ప్రదర్శించారు.
తాజాగా చిత్ర యూనిట్ విడుదల తేదీని లాక్ చేసింది. ఈ ఏడాది వేసవి కానుకగా ఏప్రిల్ 7న సినిమాను విడుదల చేసేందుకు సన్నాహాలు చేస్తున్నారు. అనౌన్స్‌మెంట్ పోస్టర్‌లో కిరణ్ అబ్బవరం పోలీస్ జీప్ నడుపుతున్న పోలీసుగా కనిపిస్తున్నాడు. రిలీజ్ కి ఇంకా ఒక నెల మాత్రమే ఉంది. కాబట్టి, మేకర్స్ త్వరలో ప్రమోషన్స్ స్టార్ట్ చేయనున్నారు. మైత్రీ మూవీ మేకర్స్‌పై నవీన్ యెర్నేని, రవిశంకర్ యలమంచిలి సమర్పణలో చిరంజీవి (చెర్రీ), హేమలత పెదమల్లు ఈ చిత్రాన్ని నిర్మిస్తున్నారు.
కిరణ్ అబ్బవరం హీరోగా నటిస్తున్న ఈ చిత్రానికి సాంకేతిక కథ, స్క్రీన్‌ప్లే, దర్శకత్వం రమేష్ కడూరి, నిర్మాతలు చిరంజీవి (చెర్రీ), హేమలత పెదమల్లు, సమర్పకులు నవీన్ యెరనేని, రవిశంకర్ యలమంచిలి, సంగీతం సాయి కార్తీక్, DOP వెంకట్ సి దిలీప్ మరియు సురేష్ సారంగం, ప్రొడక్షన్ డిజైనర్ JV, డైలాగ్స్ రమేష్ కడూరి, సూర్య లైన్ ప్రొడ్యూసర్ అలేఖ్య పెదమల్లు, ఎగ్జిక్యూటివ్ ప్రొడ్యూసర్ బాబా సాయి, చీఫ్ ఎగ్జిక్యూటివ్ ప్రొడ్యూసర్ బాల సుబ్రమణ్యం KVV, ప్రొడక్షన్ కంట్రోలర్ సురేష్ కందుల, మార్కెటింగ్ ఫస్ట్ షో, PRO మధు మాదురి, వంశీ – శేఖర్, పబ్లిసిటీ మ్యాక్స్ మీడియా లుగా వ్యవహరిస్తున్నారు.