మన టాలీవుడ్ యంగ్ అండ్ టాలెంటెడ్ దర్శకుడు అలాగే నటుడు కూడా అయినటువంటి దర్శకుడు తరుణ్ భాస్కర్ చాలా కాలం తర్వాత దర్శకత్వం వహించిన ఇంట్రెస్టింగ్ ఎంటర్టైనర్ చిత్రమే “కీడా కోలా”. హాస్య బ్రహ్మ బ్రహ్మానందం అలానే పలువురు యంగ్ నటులు నటించిన ఈ చిత్రం టీజర్ తో అయితే మంచి ఆసక్తిని పెంచింది. అయితే థియేట్రికల్ రిలీజ్ ఎప్పుడు అనేది మాత్రం అప్పటి నుంచి ఇప్పటి వరకు సస్పెన్స్ గానే నిలవగా ఈ చిత్రం పై ఎట్టకేలకు ఆ బజ్ వినిపిస్తుంది.
లేటెస్ట్ అప్డేట్ ప్రకారం అయితే మేకర్స్ ఈ చిత్రాన్ని ఈ నవంబర్ 3న రిలీజ్ చేసే యోచనలో ఉన్నట్టుగా తెలుస్తోంది. మరి దీనిపై అయితే అధికారిక సమాచారం రావాల్సి ఉంది. ఇక ఈ చిత్రానికి వివేక్ సాగర్ సంగీతం అందించారు. అలాగే విజి సైన్మా వారు నిర్మాణం వహించగా తరుణ్ భాస్కర్ “ఈ నగరానికి ఏమైంది” నిర్మాతలు సురేష్ ప్రొడక్షన్స్ వారు సమర్పణలో విడుదల కాబోతోంది.