రెబల్ స్టార్ ప్రభాస్ హీరోగా యూనివర్సల్ హీరో కమల్ హాసన్, బాలీవుడ్ బిగ్ బి అమితాబ్ బచ్చన్ లు ప్రధాన పాత్రల్లో నటిస్తున్న సెన్సేషనల్ ప్రాజెక్ట్ “కల్కి 2898 ఎడి”. మరి ఈ సినిమా కోసం అభిమానులు ఎంతో ఆసక్తిగా ఎదురు చూస్తుండగా ఈ సినిమా నుంచి నేడు భారీ ఈవెంట్ ఒకటి హైదరాబాద్ రామోజీ ఫిల్మ్ సిటీలో జరగబోతుంది.
అయితే సినిమాలో కేవలం ఓ పాత్ర తాలూకా వాహనాన్ని చూపించడానికి గ్రాండ్ ఈవెంట్ ప్లాన్ చేయడం అందరిలో ఒకింత ఆసక్తిగా మారింది. అయితే ఇప్పుడు కల్కి ప్రీ రిలీజ్ ఈవెంట్ సంబంధించి లేటెస్ట్ బజ్ వినిపిస్తుంది. దీని ప్రకారం ఈ సినిమా ఈవెంట్ ఏపీలోనే జరగనున్నట్టుగా తెలుస్తుంది.
ఎలాగో తెలంగాణాలో భారీ ఈవెంట్ ఇప్పుడు చేస్తున్నారు కాబట్టి ఆంధ్రలో అభిమానుల కోసం ప్రీ రిలీజ్ ఈవెంట్ ని అక్కడే చేస్తారని వినిపిస్తుంది. మరి దీనిపై మరింత క్లారిటీ రావాల్సి ఉంది. ఇక ఈ భారీ చిత్రానికి సంతోష్ నారాయణన్ సంగీతం అందిస్తుండగా వైజయంతి మూవీస్ వారు నిర్మాణం వహిస్తున్న సంగతి తెలిసిందే.
