పవర్ స్టార్ పవన్ కళ్యాణ్ హీరోగా నిధి అగర్వాల్ హీరోయిన్ గా నటిస్తున్న లేటెస్ట్ భారీ పీరియాడిక్ చిత్రం “హరిహర వీరమల్లు” కోసం అందరికీ తెలిసిందే. విలక్షణ దర్శకుడు క్రిష్ జాగర్లమూడి భారీ బడ్జెట్ తో పాన్ ఇండియా లెవెల్లో తెరకెక్కిస్తున్న ఈ చిత్రం పవన్ కెరీర్ లో మోస్ట్ అవైటెడ్ సినిమాగా తెరకెక్కుతుంది.
మరి దాదాపు 60 శాతం మేర షూటింగ్ పూర్తి చేస్తున్న ఈ చిత్రం కాస్త నెమ్మదిగానే కొనసాగుతుంది అని చెప్పాలి. కాకపోతే జాయిన్ అయ్యినపుడు మాత్రం శరవేగంగా షెడ్యూల్స్ కంప్లీట్ అవుతున్నాయి. మరి ఇప్పుడు మళ్ళీ ఈ సినిమా షూటింగ్ రీస్టార్ట్ కి రంగం సిద్ధం అయ్యినట్టు తెలుస్తుంది.
లేటెస్ట్ టాక్ ప్రకారం అయితే ఈ చిత్రం షూట్ ఏప్రిల్ 6 నుంచి మొదలు కానున్నట్టు టాక్. అలాగే ఈ షెడ్యూల్ కోసం కూడా భారీ సెట్టింగ్స్ ని మేకర్స్ సిద్ధం చేసినట్టు కూడా వినికిడి. వీటితో పాటుగా సాలిడ్ యాక్షన్ సీక్వెన్స్ లు కూడా ఇందులో ఉన్నట్టు తెలుస్తుంది. మరి దీనిపై అధికారిక క్లారిటీ రావాల్సి ఉంది.