సూపర్ స్టార్ మహేష్ బాబు ప్రస్తుతం త్రివిక్రమ్ శ్రీనివాస్ తో గుంటూరు కారం మూవీ చేస్తున్న సంగతి తెలిసిందే. పూజా హెగ్డే, శ్రీలీల హీరోయిన్స్ గా నటిస్తున్న ఈ మూవీకి థమన్ సంగీతం అందిస్తుండగా హారికా హాసిని క్రియేషన్స్ సంస్థ గ్రాండ్ గా నిర్మిస్తోంది. జూన్ 12 నుండి నెక్స్ట్ షెడ్యూల్ ప్రారంభం కానున్న ఈ మూవీని అన్ని కార్యక్రమాలు ముగించి 2024 జనవరి 13 న విడుదల కానుంది. ఇక దీని అనంతరం రాజమౌళి తో గ్లోబ్ ట్రాటింగ్ అడ్వెంచరస్ మూవీ SSMB 29 లో నటించనున్నారు మహేష్ బాబు. ప్రస్తుతం రాజమౌళి తండ్రి విజయేంద్ర ప్రసాద్ ఈ మూవీ యొక్క స్టోరీ, స్క్రిప్ట్ ని సిద్ధం చేస్తున్నారు.
కొన్ని వందల కోట్ల రూపాయల భారీ వ్యయంతో ఎంతో ప్రతిష్టాత్మకంగా దుర్గా ఆర్ట్స్ బ్యానర్ పై కేఎల్ నారాయణ నిర్మించనున్నారు. అయితే తాజాగా ఈ మూవీకి సంబంధించి ఒక న్యూస్ మీడియా వర్గాల్లో బజ్ గా మారింది. దాని ప్రకారం ఈ మూవీలో బాలీవుడ్ స్టార్ నటుడు మరియు ఖన్స్ లో ఒకరైన అమీర్ ఖాన్ ఇందులో విలన్ గా నటించనున్నారని అంటున్నారు. నిజానికి ఇంకా స్క్రిప్ట్ దశ లోనే ఉన్న ఈ మూవీకి సంబంధించి ప్రస్తుతం ప్రచారం అవుతున్న ఈ వార్త కేవలం పుకారు మాత్రమే అని తెలుస్తోంది. కాగా త్వరలో మేకర్స్ నుండి SSMB 29 కి సంబంధించి అధికారికంగా అనౌన్స్ మెంట్ రానుంది. దాని అనంతరం ఇందులో ఎవరెవరు నటీనటులు యాక్ట్ చేయనున్నారు అనేవి కూడా వెల్లడి కానున్నాయి.