స్టార్ డైరెక్టర్ కొరటాల శివ దర్శకత్వంలో ‘యంగ్ టైగర్ ఎన్టీఆర్’ హీరోగా రాబోతున్న పాన్ ఇండియా సినిమా ‘దేవర పార్ట్ 1’. అక్టోబర్ 10న ఈ చిత్రం రిలీజ్ కాబోతుంది. ఐతే, జబర్దస్త్ నటుడు గెటప్ శ్రీను తాజాగా ఇచ్చిన ఓ ఇంటర్వ్యూలో దేవర పై క్రేజీ కామెంట్స్ చేశాడు. తాను కూడా దేవర సినిమాలో ఓ పాత్రలో నటించాను అని, సినిమా అద్భుతంగా ఉండబోతుంది అని, ఇక ఎన్టీఆర్ నటన అయితే మహాద్భుతం అని గెటప్ శ్రీను చెప్పుకొచ్చాడు.
కాగా ఈ సినిమాలో బాలీవుడ్ బ్యూటీ జాన్వీ కపూర్ కథానాయికగా నటిస్తుంది. ఎలాగూ ఈ సినిమా కోసం లెంగ్తీ షెడ్యూల్ ప్లాన్ చేశాడు కొరటాల. కాబట్టి.. ఈ సినిమా బ్యాలెన్స్ షూట్ వేగంగా జరగనుంది. అన్నట్టు ఈ సినిమాలో ఎన్టీఆర్ లుక్ కూడా అదిరిపోతోందట. అందుకు తగ్గట్టుగానే తన పాత్ర కోసం తారక్ కూడా డిఫరెంట్ మేకోవర్‌ ట్రై చేస్తున్నాడు. మొత్తానికి దేవర సినిమాపై రోజురోజుకూ అంచనాలు పెరుగుతున్నాయి.
