స్టార్ డైరెక్టర్ కొరటాల శివ దర్శకత్వంలో ‘యంగ్ టైగర్ ఎన్టీఆర్’ హీరోగా రాబోతున్న పాన్ ఇండియా సినిమా ‘దేవర’. సైమా అవార్డ్స్ కోసం ఎన్టీఆర్ దేవర షూటింగ్ కి గ్యాప్ ఇచ్చాడు. ఐతే, దుబాయ్ నుంచి ఎన్టీఆర్ తిరిగి రావడంతో ఇప్పుడు ఈ సినిమాకి సంబంధించిన కొత్త షెడ్యూల్ పై క్లారిటీ వచ్చింది. రేపటి నుంచి ఎన్టీఆర్ పై సోల్మన్ మాస్టర్ కొరియోగ్రఫీలో యాక్షన్ సీక్వెన్స్ చిత్రీకరించబోతున్నారని తెలుస్తోంది. ఈ యాక్షన్ షెడ్యూల్ లో జూ.ఎన్టీఆర్ తో పాటు సైఫ్ అలీఖాన్, శ్రీకాంత్ లు కూడా పాల్గొనబోతున్నారని టాక్. ఈ సినిమాలో బాలీవుడ్ బ్యూటీ జాన్వీ కపూర్ కథానాయికగా నటిస్తుంది.
కాగా ఈ సినిమా కోసం లెంగ్తీ షెడ్యూల్స్ ప్లాన్ చేస్తున్నాడు కొరటాల. కాబట్టి.. ఈ సినిమా షూట్ వేగంగా జరగనుంది. అన్నట్టు ఈ సినిమాలో ఎన్టీఆర్ లుక్ కూడా అదిరిపోతోందట. అందుకు తగ్గట్టుగానే తన పాత్ర కోసం తారక్ కూడా డిఫరెంట్ మేకోవర్ ట్రై చేస్తున్నాడు. మొత్తానికి.. ఈ సినిమా కోసం కొరటాల కూడా బాగా కసరత్తులు చేస్తున్నాడు. ఇప్పటికే ఎన్టీఆర్ – కొరటాల కాంబినేషన్ లో గతంలో వచ్చిన ‘జనతా గ్యారేజ్’ పెద్ద హిట్ కావడంతో ఈ సినిమాపై రోజురోజుకూ అంచనాలు పెరుగుతున్నాయి.