‘యానిమల్’ లో రష్మిక క్యారెక్టర్ అదే !

Published on Apr 4, 2022 10:00 am IST

‘అర్జున్‌ రెడ్డి’ సినిమాతో టాలీవుడ్ లో ఓ ట్రెండ్ ను సెట్ చేసి.. అదే బోల్డ్ సినిమాని హిందీలో కూడా చేసి స్టార్ డైరెక్టర్ అయిపోయాడు యంగ్ డైరెక్టర్ సందీప్ వంగ. కాగా సందీప్ తన కొత్త సినిమా ‘యానిమల్’ ని బాలీవుడ్ హీరో రణబీర్ కపూర్ ‏తో చేస్తున్న సంగతి తెలిసిందే. కాగా ఈ సినిమాలో హీరోయిన్‌గా రష్మికను కన్ఫర్మ్‌ చేసిన సంగతి తెలిసిందే. తాజాగా ఆమె పాత్ర ఒక ఇంట్రెస్టింగ్ అప్ డేట్ వినిపిస్తోంది.

ఈ సినిమాలో రష్మిక మందన్నా ఒక సైన్స్ స్టూడెంట్ గా కనిపించబోతుంది. హీరో పాత్రకు ఆమె పాత్ర మధ్య సైన్స్ కి సంబంధించి కొన్ని ఇంట్రెస్టింగ్ ఎపిసోడ్స్ ఉంటాయని తెలుస్తోంది. ఇప్పటికే పుష్పతో నేషనల్‌ క్రష్‌గా పేరు తెచ్చుకుంది రష్మిక. ఇప్పుడు ఈ సినిమాతో ఆమె క్రేజ్ రెట్టింపు కానుంది. కాగా మనుషుల్లో మారుతున్న స్వభావాల చుట్టూ సాగే కథ ఇది.

మనిషి జంతువులా మారితే ? ఈ కోణంలో ఈ ‘యానిమల్‌’ సాగనుంది. ఈ సినిమాకు సిద్ధార్థ్ గరిమ మాటలు సమకూర్చగా హర్షవర్ధన్‌ రామేశ్వర్‌ సంగీతాన్ని అందించారు. టీ సిరీస్‌ భూషణ్‌ కుమార్‌, భద్రకాళీ పిక్చర్స్‌, సినీ స్టూడియోస్‌ వన్‌ సంయుక్తంగా ఈ చిత్రాన్ని నిర్మిస్తోంది.

సంబంధిత సమాచారం :