మెగాస్టార్ చిరంజీవి హీరోగా నయనతార హీరోయిన్ గా దర్శకుడు అనీల్ రావిపూడి తెరకెక్కించిన సెన్సేషనల్ రీజనల్ ఇండస్ట్రీ హిట్ చిత్రమే “మన శంకర వరప్రసాద్ గారు”. ఈ ఏడాది సంక్రాంతి కానుకగా వచ్చిన ఈ చిత్రం మెగాస్టార్ కెరీర్ లోనే కాకుండా టాలీవుడ్ లోనే బిగ్గెస్ట్ గ్రాసర్స్ లో ఒకటిగా నిలిచింది.
అయితే ఈ చిత్రం అటు థియేట్రికల్ ఇటు నాన్ థియేట్రికల్ గా కూడా భారీ హిట్ గా ఈ సినిమా నిలిచింది. మరి లేటెస్ట్ గా ఈ సినిమా 100 రోజుల రన్ ని థియేటర్స్ లో కంప్లీట్ చేసుకుంది. ఈ రోజుల్లో 100 రోజుల రన్ అనేది చాలా అరుదైన అంశమే అని చెప్పాలి. ఇక ఈ సినిమా రెండు సెంటర్స్ లో 100 రోజుల రన్ ని పూర్తి చేసుకున్నట్టు తెలుస్తుంది.
యర్లకుంట, మైదుకూరు ప్రాంతాల్లో మన శంకర వరప్రసాద్ గారు 100 రోజుల రన్ ని కంప్లీట్ చేసుకొని ఈ రోజుల్లో రేర్ ఫీట్ ని సొంతం చేసుకుంది. ఇక ఈ సినిమాలో వెంకీ మామ సాలిడ్ క్యామియోలో నటించగా భీమ్స్ సంగీతం అందించాడు. అలాగే సుష్మిత కొణిదెల, సాహు గారపాటి నిర్మాణం వహించారు.
