మన టాలీవుడ్ లెజెండరీ హీరోస్ లో మెగాస్టార్ చిరంజీవి కూడా ఒకరు. మరి తన నుంచి తన రేంజ్ సినిమాలు పడాలి అని అభిమానులు ఎప్పుడు నుంచో కోరుకుంటున్నారు. తన రీఎంట్రీ తర్వాత నుంచి ఆ లోటు ఇప్పటికీ ఉంది. మధ్యలో వాల్తేరు వీరయ్య పడి తన స్టామినా చూపించి భారీ లాభాలు అందించింది కానీ అది కూడా మెగా ఫ్యాన్స్ కి ఇంకా సరిపోలేదు.
పైగా తన లైనప్ పై కూడా ఒక క్లారిటీ లేని తరుణంలో మెగా ఫ్యాన్స్ అందరికీ బాస్ ఒక ఊహించని బ్లాస్ట్ ని అందించారు అని చెప్పాలి. మరి తన లైనప్ లో యంగ్ దర్శకుడు శ్రీకాంత్ ఓదెల, నాని నిర్మాతగా భారీ సినిమా అఫీషియల్ గా అనౌన్స్ చేసి ఓ రేంజ్ కిక్ ఇచ్చారు. ఇక దీనికే ఇలా అంటే నెక్స్ట్ సినిమాలు కూడా ఊహించని దర్శకులతో ఉన్నాయి.
వాటిలో అయితే బ్లాక్ బస్టర్ హిట్స్ దర్శకుడు అనీల్ రావిపూడితో ఓ సాలిడ్ ఎంటర్టైనర్ ఉంటే ఇది కాకుండా సిసలైన ప్రాజెక్ట్ మెగాస్టార్ వీరాభిమాని పాన్ ఇండియా సెన్సేషన్ సందీప్ రెడ్డి వంగతో సినిమా ఖరారు అయ్యినట్టుగా తెలుస్తోంది. దీనితో మెగా ఫ్యాన్స్ కి మాత్రం చిరు లైనప్ ఇపుడు ఫుల్ మీల్స్ పెట్టినట్లు అయ్యిందని చెప్పాలి. ఇది ఇదే తమకి తమ బాస్ నుంచి కావాల్సింది అంటూ తన లైనప్ పట్ల ఇపుడు మెగా ఫ్యాన్స్ ఓ రేంజ్ లో ఎగ్జైట్ అవుతున్నారు.