మన తెలుగు చిత్ర సీమలో లేడీ డైరెక్టర్స్ ఎంత మంది ఉన్నారు అంటే వేళ్ళ మీద లెక్కబెట్టి చెప్పచ్చు. అలాంటి వారిలో యువతకు నచ్చే సినిమాలు చేస్తున్న లేడీ డైరెక్టర్ నందిని రెడ్డి. ‘అలా మొదలైంది’తో సూపర్ హిట్ అందుకున్న నందిని రెడ్డి ఆ తర్వాత ‘జబర్దస్త్’తో హిట్ అందుకోలేకపోయింది. ఆ తర్వాత గ్యాప్ తీసుకున్న నందిని రెడ్డి ఓ యూత్ ఫుల్ ఎంటర్టైనర్ స్క్రిప్ట్ తో మన ముందుకు రాబోతోంది.
ఈ సినిమాలో యంగ్ హీరో నాగ శౌర్య హీరోగా నటించనుండగా, ఎవడే సుబ్రహ్మణ్యం ఫేం మాళవిక నాయర్ హీరోయిన్ గా కనిపించనుంది. ఈ సినిమా ఈ రోజు ఉదయం లాంచనంగా ప్రారంభమైంది. మే 13 నుంచి ఈ సినిమా రెగ్యులర్ షూటింగ్ మొదలవుతుంది. షూటింగ్ మొదలు పెట్టాక ఆపకుండా కంటిన్యూ షూటింగ్ తో సినిమాని ఫినిష్ చెయ్యాలని ఈ చిత్ర టీం టైట్ షెడ్యూల్స్ ప్లాన్ చేస్తోంది. అలా మొదలిండి ఫేం దాము నిర్మిస్తున్న ఈ సినిమాకి కళ్యాణ్ కోడూరి సంగీతం అందించనున్నాడు.
