టాలీవుడ్ సూపర్ సక్సెస్ఫుల్ డైరెక్టర్ ఎస్ఎస్ రాజమౌళి క్రియేట్ చేసిన లేటెస్ట్ విజువల్ వండర్ ‘బాహుబలి’ తో పెద్ద సక్సెస్ అందుకున్నాడు. జూలైలో రిలీజ్ అయ్యి బాక్స్ ఆఫీసు రికార్డ్స్ ని బద్దలు కొట్టింది. ఈ సిని మాకంటే ముందు విజువల్ గా రాజమౌళి ‘ఈగ’ అనే సినిమాతో ఇండియా మొత్తం సెన్సేషన్ క్రియేట్ చేసాడు. ఇటీవలే రాజమౌళి బాహుబలి 2 తర్వాత ఈగ 2 చేసే అవకాశం ఉందని తెలిపారు. ఈగ సినిమాలో హీరోగా కాసేపే కనిపించినా సినిమా మొత్తం తన హీరో అన్న ఫీలింగ్ ని కలిగించాడు ఆ సినిమా హీరో నాని. నాని తాజాగా ఈగ 2 గురించిన కొన్ని ఆసక్తికర విషయాలను తెలియజేశాడు.
నాని నటించిన లేటెస్ట్ రొమాంటిక్ ఎంటర్ టైనర్ ‘భలే భలే మగాడివోయ్’ ఈ రోజు ప్రేక్షకుల ముందుకు వచ్చింది. ఈ సినిమా ప్రమోషన్స్ లో భాగంగా నాని మీడియా తో మాట్లాడినప్పుడు ఈగ 2 గురించి చెప్పాడు. ‘రాజమౌళి గారు ఈగ 2 చెయ్యడానికి బాగా ఫిక్స్ అయ్యి ఉన్నారు. ఎక్కువ భాగం బాహుబలి 2 ఫినిష్ అవ్వగానే ఈగ 2 మొదలయ్యే అవకాశం ఉందని’ తెలిపాడు. కానీ తను ఏమన్నా ఆ సినిమాలో కూడా నటిస్తాడా లేదా అన్న విషయాలను తెలియజేయలేదు. రాజమౌళి ప్రస్తుతం బాహుబలి 2 వర్క్ లో బిజీగా ఉన్నాడు. ఇదయిన తర్వాతనే ఈగ 2 ఉండే అవకాశం ఉంది.
