నాగ్ అశ్విన్ డైరెక్షన్‌ లో నేషనల్ స్టార్ ప్రభాస్ హీరోగా ‘కల్కి 2898 AD’ అనే ఫాంటసీ సైంటిఫిక్ మూవీ రాబోతున్న సంగతి తెలిసిందే. ‘కల్కి 2898AD’లో దీపికా పదుకొణె హీరోయిన్ గా నటిస్తున్న సంగతి తెలిసిందే. ఐతే, దీపికా పదుకొణె నెగెటివ్ షేడ్స్ కలిగిన పాత్రలలో నటించబోతుందని.. సినిమాలో ఆమె పాత్ర పాయింట్ ఆఫ్ వ్యూలో వచ్చే ట్విస్ట్ కూడా చాలా థ్రిల్లింగ్ గా ఉంటుందని తెలుస్తోంది. మరి ప్రభాస్ సినిమాలో దీపికా పదుకొణె ఏ స్థాయిలో తన విలనిజాన్ని చూపిస్తోందో చూడాలి.
అన్నట్టు తన పాత్రకు సంబంధించిన డబ్బింగ్ ను దీపికా పదుకొణె ఇప్పటికే పూర్తి చేసింది. హిందీ, కన్నడ భాషల్లో దీపికా పదుకొణె డబ్బింగ్ చెప్పారని, మిగతా వెర్షన్లకు వేరేవారితో చెప్పిస్తారని తెలుస్తోంది. కాగా కల్కి సినిమాలో బాలీవుడ్ సూపర్‌ స్టార్ అమితాబ్ బచ్చన్ ఓ కీలక పాత్రలో నటిస్తున్నారు.
అలాగే,ఈ భారీ-బడ్జెట్ సినిమాలో కమల్ హాసన్, పశుపతి, రాజేంద్ర ప్రసాద్ లు కూడా కీలక పాత్రల్లో నటిస్తున్నారు. వైజయంతీ మూవీస్‌ పతాకంపై అశ్వనీదత్‌ ఈ చిత్రాన్ని భారీ స్థాయిలో నిర్మిస్తున్నారు. సంతోష్ నారాయణన్ సంగీతం అందిస్తున్నారు.
