నటసింహం బాలయ్య – బోయపాటి శ్రీను కాంబినేషన్లో రాబోతున్న ‘అఖండ 2 – తాండవం’ పై భారీ అంచనాలు నెలకొన్నాయి. ఇప్పటికే ఈ సినిమాకు సంబంధించిన పూజా కార్యక్రమాలు జరిగాయి. కాగా తాజాగా ఈ సినిమా షూట్ కి రెడీ అవుతుంది టీమ్. వచ్చే నెల రెండో వారం నుంచి బాలయ్య పై రామోజీ ఫిల్మ్ సిటీలో అఘోర పాత్రకు సంబంధించిన ఎంట్రీ సన్నివేశాలను షూట్ చేస్తారట. అందుకు సంబంధించిన సెట్స్ ను ప్రస్తుతం వేస్తున్నట్లు తెలుస్తోంది.
అన్నట్టు ప్రస్తుతం ఈ సినిమాలో నటించే నటీనటుల ఎంపిక పై దర్శకుడు బోయపాటి దృష్టి పెట్టారు. ఆల్ రెడీ, ఇప్పటికే పలు కీలక పాత్రల్లో ఇతర భాషల నటులను తీసుకోవాలని మేకర్స్ ఫిక్స్ అయ్యారు. కాగా ఈ సినిమాను 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట ప్రొడ్యూస్ చేస్తున్నారు. థమన్ ఈ సినిమాకు సంగీతం అందిస్తున్నారు. బోయపాటి శ్రీను – బాలయ్య కాంబినేషన్‌ లో హ్యాట్రిక్ విజయాలు నమోదయ్యాయి. దీంతో ‘అఖండ 2 – తాండవం’ పై రెట్టింపు అంచనాలు ఉన్నాయి.