యంగ్ అండ్ టాలెంటడ్ హీరో నిఖిల్ సిద్ధార్థ హీరోగా ఇప్పుడు మరిన్ని ఇంట్రెస్టింగ్ ప్రాజెక్ట్స్ చేస్తున్న సంగతి తెలిసిందే. మరి వాటిలో తన కెరీర్ హై బడ్జెట్ సినిమా అయినటువంటి ప్రాజెక్ట్ “స్పై” కూడా ఒకటి. రీసెంట్ గా అనౌన్స్ అయ్యిన ఈ చిత్రాన్ని దర్శకుడు గ్యారీ బి హెచ్ శరవేగంగా తెరకెక్కిస్తున్నాడట.
భారీ యాక్షన్ సీక్వెన్స్ లను కంప్లీట్ చేస్తూ ప్రస్తుతం ఈ చిత్రం జెట్ స్పీడ్ లో షూటింగ్ ని జరుపుకుంటున్నట్టు చిత్ర యూనిట్ ఒక ఫోటో ని కూడా షేర్ చేశారు. అయితే ఈ చిత్రానికి హాలీవుడ్ ప్రముఖ స్టంట్ కొరియోగ్రాఫర్ విటేకర్ చేస్తుండడం విశేషం.
ఇక ఈ సినిమాలో ఐశ్వర్య మీనన్ హీరోయిన్ గా నటిస్తుండగా ఈడీ ఎంటర్టైన్మెంట్స్ స్థాయిలో నిర్మాణం వహిస్తున్నారు. అలాగే ఈ చిత్రం పాన్ ఇండియా లెవెల్లో ఈ ఏడాది దసరా రేస్ లో రిలీజ్ కానుంది.