మన టాలీవుడ్ దగ్గర బిగ్గెస్ట్ బాక్సాఫీస్ క్లాష్ సీజన్ ఏదన్నా ఉంది అంటే అది సంక్రాంతి అనే చెప్పాలి. సంక్రాంతి బరిలో వచ్చే అనేక సినిమాలు అప్పటి పరిస్థితులని మంచి హీటెక్కిస్తాయి. అలానే గడిచిన కొన్నేళ్లలో సంక్రాంతి సినిమాలు, క్లాష్ లు టాలీవుడ్ లో హాట్ టాపిక్ గా నిలిచాయి.
అయితే ఇలాంటి టాపిక్ లో డెఫినెట్ గా యంగ్ దర్శకుడు ప్రశాంత్ వర్మ కోసం కూడా చర్చ వస్తుంది. తన ‘హను మాన్’ సినిమా 2024 సంక్రాంతికి వచ్చి సంచలనం సెట్ చేసింది. ఇక అక్కడ నుంచి మళ్ళీ 2027 సంక్రాంతికి తాను కన్నేసినట్టు తెలుస్తుంది.
తాను క్రియేట్ చేసిన లేడీ సూపర్ హీరో చిత్రం ‘మహాకాళీ’ వచ్చే ఏడాది సంక్రాంతి రేస్ లో విడుదల చేసేందుకు రంగం సిద్ధం చేస్తున్నట్టు తెలుస్తుంది. ప్రశాంత్ వర్మ తన సినిమాటిక్ యూనివర్స్ లో భాగంగా క్రియేట్ చేసిన కథకి కొల్లూరు పూజా అపర్ణ దర్శకత్వం వహిస్తున్నారు. సో ఈసారి సంక్రాంతికి ప్రశాంత్ ఎలాంటి మ్యాజిక్ చేస్తాడో చూడాలి.
