కరోనా దెబ్బ సినిమా పరిశ్రమ కళ కోల్పోయింది. చిన్న సినిమా పెద్ద సినిమా అనే తేడా లేకుండా అన్ని నిలిచిపోయాయి. థియేటర్స్ మూసివేయడంతో పూర్తి అయిన సినిమాలు కూడా విడుదల కాని పరిస్థితి నెలకొని ఉంది. ఇక ఈ ఏడాది స్టార్ హీరోల సందడి ఉండేలా కనిపించడం లేదు. మహేష్, ఎన్టీఆర్, ప్రభాస్, చరణ్ మరియు బన్నీ వచ్చే ఏడాది తమ చిత్రాలు విడుదల చేయనున్నారు.
ఇక పోతే స్టార్ హీరోల లిస్ట్ లో ఉన్న మెగా బ్రదర్స్ మాత్రమే ఈ ఏడాది తమ సినిమాలు విడుదల చేసే సూచనలు కలవు. పవన్ కళ్యాణ్ కమ్ బ్యాక్ మూవీ వకీల్ సాబ్ షూటింగ్ దాదాపు కంప్లీట్ అయ్యింది. థియేటర్స్ ఓపెన్ అయితే ఆ సినిమా ఖచ్చితంగా విడుదల అవుతుంది. ఈ ఏడాది విదులయ్యే సినిమాలో వకీల్ సాబ్ మొదటి వరసలో ఉంది. కొరటాల శివ దర్శకత్వంలో చిరంజీవి చేస్తున్న ఆచార్య సినిమా కూడా 40శాతానికి పైగా షూటింగ్ పూర్తి చేసుకుంది. ఈ ఏడాదిలోనే సినిమా విడుదల చేయాలని మేకర్స్ ప్లాన్ లో ఉన్నారు. కాబట్టి 2020లో మెగా బ్రదర్స్ సందడి చేయడం ఖాయం అంటున్నారు.
