పాన్ ఇండియా రెబల్ స్టార్ ప్రభాస్ లేటెస్ట్ చిత్రం ‘ది రాజా సాబ్’(The Raja Saab) భారీ అంచనాల మధ్య గ్రాండ్ ప్రీమియర్ షోలతో ప్రేక్షకుల ముందుకు వచ్చేసింది. దర్శకుడు మారుతి డైరెక్ట్ చేస్తున్న ఈ సినిమా హారర్ కామెడీ జానర్లో రూపొందగా, ఇప్పటికే ఈ మూవీ నుంచి రిలీజ్ అయిన టీజర్, ట్రైలర్స్ భారీ రెస్పాన్స్ను అందుకున్నాయి. ఇక ఈ సినిమా ఇప్పుడు థియేటర్లలోకి రావడంతో ప్రేక్షకుల్లో ఈ సినిమాను చూసేందుకు ఆసక్తి మరింత పెరిగింది.
అయితే, ఈ సినిమాకు సంబంధించిన ఓటీటీ పార్ట్నర్గా జియో హాట్స్టార్ డిజిటల్ రైట్స్ దక్కించుకుంది. ఈ మేరకు మూవీ టైటిల్ కార్డ్స్లో వెల్లడించారు. దీంతో ఈ సినిమా థియేట్రికల్ రన్ పూర్తయ్యాక జియో హాట్స్టార్ వేదికపై ఈ సినిమా ఓటీటీ స్ట్రీమింగ్ కానుంది. ఇక ఈ సినిమాలో ప్రభాస్ ఎలాంటి ట్రీట్ ఇస్తాడనేది ఆసక్తికరంగా మారింది.
ఈ సినిమాలో మాళవిక మోహనన్, నిధి అగర్వాల్, రిద్ధి కుమార్ హీరోయిన్లుగా నటించగా సంజయ్ దత్ కీలక పాత్రలో నటిస్తున్నాడు. థమన్ సంగీతం అందించిన ఈ సినిమాను పీపుల్ మీడియా ఫ్యాక్టరీపై టీజీ విశ్వప్రసాద్, కృతి ప్రసాద్ ప్రొడ్యూస్ చేశారు.
