టాలీవుడ్ లెజెండరీ హీరో మెగాస్టార్ చిరంజీవి హీరోగా బాలీవుడ్ కండల వీరుడు సల్మాన్ ఖాన్ మరో కీలక పాత్రలో నటించిన సాలిడ్ మల్టీ స్టారర్ చిత్రం “గాడ్ ఫాదర్”. దర్శకుడు జయం మోహన్ రాజా తెరకెక్కించిన ఈ చిత్రం మెగాస్టార్ కెరీర్ లో అయితే డీసెంట్ హిట్ గా ఈ చిత్రం నిలవగా థియేటర్స్ లో అయితే ఈ చిత్రం రన్ ని ముగించుకుంది. ఇక ఈ చిత్రం ఇప్పుడు ఓటిటి లో సందడి చేసేందుకు సిద్ధం అయ్యింది.
ఇక ఈ చిత్రాన్ని సొంతం చేసుకున్న దిగ్గజ ఓటిటి సంస్థ నెట్ ఫ్లిక్స్ వారు ఈ చిత్రం స్ట్రీమింగ్ డేట్ ని లాక్ చేశారు. ఈ చిత్రం అయితే తెలుగు మరియు హిందీలో ఈ నవంబర్ 19 నుంచి అందుబాటులో ఉండనున్నట్టు తెలుస్తుంది. మొత్తానికి అయితే గాడ్ ఫాదర్ ఆరోజు నుంచి అందుబాటులో ఉండనుంది. ఇక ఈ చిత్రంకి థమన్ సంగీతం అందివ్వగా సత్యదేవ్, నయనతార తదితరులు కీలక పాత్రల్లో నటించగా సూపర్ గుడ్ ఫిల్మ్స్ వారు నిర్మాణం వహించారు.
