పవర్ స్టార్ పవన్ కళ్యాణ్ హీరోగా మెగాసూర్య ప్రొడక్షన్స్ బ్యానర్ ఫై ఏ ఎం రత్నం నిర్మాతగా క్రిష్ జాగర్లమూడి దర్శకత్వంలో తెరకెక్కుతున్న భారీ పీరియాడికల్ యాక్షన్ అడ్వెంచర్ మూవీ హరిహర వీరమల్లు. ఈ మూవీలో పవన్ కళ్యాణ్ వీరమల్లు అనే పాత్ర చేస్తుండగా ఆయనకి జోడీగా నిధి అగర్వాల్ నటిస్తోంది. ఎమ్ ఎమ్ కీరవాణి సంగీతం అందిస్తున్న ఈ మూవీలో అర్జున్ రామ్ పాల్, నర్గిస్ ఫక్రి, ఆదిత్య మీనన్, పూజిత పొన్నాడ తదితరులు కీలక రోల్స్ చేస్తున్నారు. పవన్ ఫ్యాన్స్ తో పాటు ఆడియన్స్ అందరిలో మంచి అంచనాలు ఏర్పరుచుకున్న ఈ మూవీ నుండి ఇప్పటికే రిలీజ్ అయిన రెండు టీజర్స్, పోస్టర్లు ఆ అంచనాలు మరింతగా పెంచాయి అనే చెప్పాలి.
ఇప్పటికే ఈ మూవీ యొక్క షూట్ దాదాపుగా యాభై శాతం వరకు పూర్తి అయినట్లు తెలుస్తోంది. అయితే విషయం ఏమిటంటే, గత కొన్నాళ్లుగా పవన్ కళ్యాణ్ తన జనసేన పార్టీ కార్యక్రమాల్లో బిజీగా ఉండడంతో ఈ మూవీ షూటింగ్ కొంత వాయిదా పడింది. ఇక లేటెస్ట్ టాలీవుడ్ అప్ డేట్ ప్రకారం ఈ మూవీ యొక్క నెక్స్ట్ షెడ్యూల్ దసరా పండుగ తరువాత అక్టోబర్ 16 నుండి పక్కాగా మొదలెట్టేలా యూనిట్ డేట్ ఫిక్స్ చేసిందట. ఇక ఆ షెడ్యూల్ కి సంబంధించి ఈలోపు మిగతా పనులు పూర్తి చేసేలా ప్రణాళికలు సిద్ధం చేసారని, అలానే ఇటీవల ప్రకటించినట్లుగానే 2023 మార్చి 30న హరిహర వీరమల్లు మూవీ థియేటర్స్ కి రిలీజ్ చేయడం కూడా ఫిక్స్ అని తెలుస్తోంది.