సౌత్ ఇండియాలోని అన్ని భాషల్లోని స్టార్ నటీనటులతో తెరకెక్కిన సోషియో ఫాంటసీ అడ్వెంచర్ మూవీ ‘పులి’. తమిళ స్టార్ హీరో ఇలయథలపథి విజయ్ హీరోగా, హాట్ బ్యూటీస్ శృతి హాసన్, హన్సిక హీరోయిన్స్ గా నటించిన ఈ సినిమాలో ఎవర్గ్రీన్ బ్యూటీ శ్రీదేవి, కన్నడ స్టార్ సుధీప్ లు నెగటివ్ షేడ్స్ ఉన్న పాత్రల్లో కనిపించనున్నారు. ఆని కార్యక్రమాలు పూర్తి చేసుకున్న ఈ సినిమా ఒకేసారి తమిళ్, తెలుగు, హిందీ భాషల్లో అక్టోబర్ 1న గ్రాండ్ గా రిలీజ్ కానుంది. అన్ని చోట్లా ఈ సినిమాపై అంచనాలు భారీగానే ఉన్నాయి.
కోలీవుడ్ నుంచి అందిన సమాచారం ప్రకారం విజయ్ నిన్న పులి సినిమాని తన కుటుంబ సభ్యులకు, ఫ్రెండ్స్ మరియు సన్నిహితులకు కలిపి స్పెషల్ గా షో వేసాడు. ఈ సినిమా చూసిన వారికి సన్నిహితులు చెబుతున్న దాని ప్రకారం.. సినిమా బాగుందని, చూసిన ప్రతి ఒక్కరికీ సినిమా బాగా నచ్చిందని అంటున్నారు. ప్రీ రిలీజ్ కి ముందే ఇలాంటి పాజిటివ్ టాక్ రావడంతో సినిమాపై అంచనాలు మరింత పెరిగాయి. అలాగే ఈ సినిమాని 3 భాషల్లో కలుపుకొని సుమారు 3000కి పైగా థియేటర్స్ లో రిలీజ్ చేయనున్నారు. దేవీశ్రీ ప్రసాద్ మ్యూజిక్ అందించాడు. మరి విజయ్ సన్నిహితులు చెబుతున్న పాజిటివ్ రిపోర్ట్స్ నిజమా కాదా అన్నది తెలియాలంటే మరో రెండు రోజులు ఆగాల్సిందే.
